1448 йил 07 Жумодус соний | 2026 йил 17 ноябрь, Сешанба.
ЎЗ UZ RU EN AR

Намоз вақти: Қарши

Fajr
06:04
Sunrise
07:21
Dhuhr
12:22
Asr
15:42
Maghrib
17:22
Isha
18:39


Намозни тўлиқ адо этинг. Албатта, намоз мўминларга вақтида фарз қилингандир (Нисо сураси 103-оят)

Одамлардан камчилик қидирманг

29-11-2023, 10:35 217 Ўқиш режими + -
              Халқимиз орасида: “ Беайб парвардигор” деган ибора бор. Дарҳақиқат, ҳар бир инсонда айб-нуқсон, камчиликлар топилади, магарам Аллоҳ таоло айб-нуқсондан. камчиликлардан пок бўлган зотдир. 
              Баъзи бир кишилар ўзларининг камчиликлари устида бош қотиришлари қолиб, бировларнинг камчиликларини излайдилар. Бировлардан камчилик қидиришга ундайдиган  салбий сабаблар кўп. Баъзи кишилар ўзга кишиларга ўзларини кўрсатиш, уларга яхши кўриниш, улар олдида ўзларини мартабаларини кўтариш учун ўзга кишининг камчилигини излаб. уни айтадилар.  Баъзи кишилар бировларнинг бахтини, ютуғини, фазилатини ҳасад қилганликларидан, уларни кўраолмасликлари  туфайли уларнинг камчилигини излайдилар.  Баъзи кишилар бошқа бировларнинг устидан кулиш, уларни мазах қилиш ниятида ўзга кишининг камчилигини қидирадилар. 
                 Аслида эса одамлардан камчилик қидирмаслик лозим. Ислом дини мусулмонларни одамлардан камчилик қидиришдан қайтаради.  Пайғамбаримиз (с.а.в.) :“Одамлардан камчилик қидирманглар. Кимки камчилик қидирса, Аллоҳ таоло ундан камчилик қидиради. Аллоҳ таоло кимнинг камчилигини қидирса, уни уйидан шарманда қилган ҳолида чиқаради”. ( Муслим ривояти).
              Одамлардан камчилик излаш Раҳмонни хафа қилиш ва шайтонни хурсанд қилишдир. Шу сабабли одамларнинг камчилигини излаш ўрнига, ўзимизнинг камчиликларимизни бартараф қилиш учун ҳаракат қилайлик! Аллоҳ таоло барчамизни гуноҳ ишлардан сақлаб, Ўзининг савобли ишларига бажаришга муваффақ қилсин!

 
Р. Акбаров,
ЎМИнинг Қашқадарё вилоятдаги вакиллик ходими