1448 йил 07 Жумодус соний | 2026 йил 17 ноябрь, Сешанба.
ЎЗ UZ RU EN AR

Намоз вақти: Қарши

Fajr
06:04
Sunrise
07:21
Dhuhr
12:22
Asr
15:42
Maghrib
17:22
Isha
18:39


Намозни тўлиқ адо этинг. Албатта, намоз мўминларга вақтида фарз қилингандир (Нисо сураси 103-оят)

Телефонга эмас, келажакка вақт ажратинг!

11-11-2026, 11:08 100 Ўқиш режими + -
Ёшлик — инсон ҳаётидаги энг бебаҳо давр. Бу вақтда олинган билим, орттирилган тажриба ва шаклланган одатлар келажак учун мустаҳкам пойдевор бўлади. Аммо бугунги кунда ёшларнинг телефондан ортиқча ва мақсадсиз фойдаланиши ана шу имкониятлардан унумли фойдаланишга тўсқинлик қилмоқда.
Азиз ёшлар! Бир ўйлаб кўринг: ижтимоий тармоқларда мақсадсиз вақт ўтказиш, турли видеоларни соатлаб томоша қилиш ва компьютер ўйинларига берилиш сиздан қанча қимматли вақтни олиб қўяди? Бу вақтни китоб ўқиш, билим олиш, спорт билан шуғулланиш ёки янги касб-ҳунар ўрганишга сарфлаш мумкин эмасми?
Телефонга ҳаддан ташқари боғланиш диққатни чалғитади, вақтни тўғри тақсимлашга халақит беради ва ўқишдаги самарадорликни пасайтириши мумкин. Энг муҳими, мақсадсиз сарфланган бугунги вақт эртанги имкониятлар бой берилишига сабаб бўлади.
Албатта, телефоннинг ўзи зарарли восита эмас. У орқали хорижий тилларни ўрганиш, фойдали маълумотлар олиш ва дунё янгиликларидан хабардор бўлиш мумкин. Гап ундан қандай фойдаланишимизда. Телефон бизнинг вақтимизни бошқармаслиги, аксинча, биз ундан мақсадли фойдаланишни ўрганишимиз керак.
Шунинг учун телефондан фойдаланиш вақтини чекланг, кераксиз машғулотларга берилманг. Бўш вақтингизни китоб мутолааси, спорт, илм-фан ва оилавий мулоқотга бағишланг. Ҳар куни ўзингиз учун янги бир мақсад белгиланг ва унга эришиш йўлида ҳаракат қилинг.
Унутманг, телефонда ўтказилган беҳуда соатлар ортга қайтмайди, аммо шу вақт ичида эгалланган билим ва кўникмалар бутун умр сизга хизмат қилади.
Азиз ёшлар, виртуал оламга берилиб, ҳақиқий ҳаёт имкониятларини қўлдан бой берманг! Телефон сизга хизмат қилсин, сиз унга эмас. Зеро, келажагингиз бугунги танловингиз ва вақтингиздан қандай фойдаланаётганингизга боғлиқ!


АЛИМАРДОН КАРОМАТОВ, "ФАЗЛИ" жомеъ масжиди имом-хатиби