1448 йил 07 Жумодус соний | 2026 йил 17 ноябрь, Сешанба.
ЎЗ UZ RU EN AR

Намоз вақти: Қарши

Fajr
06:04
Sunrise
07:21
Dhuhr
12:22
Asr
15:42
Maghrib
17:22
Isha
18:39


Намозни тўлиқ адо этинг. Албатта, намоз мўминларга вақтида фарз қилингандир (Нисо сураси 103-оят)

Меҳрли бўлайлик!

15-02-2024, 16:12 271 Ўқиш режими + -
Аллоҳ таоло раҳмли, меҳрибон зот. Биз бандари ҳам бир-биримизга нисбатан меҳрли бўлишимиз лозим. Раҳмли бўлган кишиларга раҳм кўрсатилади. Абу Ҳурайра розияллоҳу анҳу айтадилар: “Расулуллоҳ соллаллоҳу алайҳи ва саллам Ҳасан ибн Алини ўпдилар. Ўшанда Ақроъ ибн Ҳобис ат-Тамимий ул зотнинг ҳузурларида эди. Ақроъ: “Менинг ўнта фарзандим бор. Улардан бирортасини ҳам ўпмаганман”, деди. Шунда Расулуллоҳ соллаллоҳу алайҳи ва саллам унга қараб: “Ким раҳм қилмаса, раҳм қилинмайди”, дедилар”.
Аллоҳ таоло ҳеч бир бандасининг қалбидан меҳрни, раҳматни олиб қўйса, бу яхшилик нишонаси эмас.  Оиша розияллоҳу анҳодан ривоят қилинади: “Бир аъробий Пайғамбар соллаллоҳу алайҳи ва саллам ҳузурларига келиб: “Сизлар ёш болаларингизни ўпасизларми? Биз эса уларни ўпмаймиз”, деди. Шунда Пайғамбар соллаллоҳу алайҳи ва саллам: “Аллоҳ қалбингдан раҳматни олиб қўйган бўлса, мен нима қила олардим?”, дедилар.
Аллоҳ таоло барчамизнинг қалбларимизда меҳру-муҳаббатни барқарор қилсин!
 

Р. Акбаров
ЎМИнинг Қашқадарё вилоиятдаги вакиллик ходими