Зулм ва зўравонлик Исломда йўқ
10354
2-04-2024, 10:15
392
Ўқиш режими
+
-
Айрим кимсалар ўзларининг ғаразли мақсадларидан келиб чиқиб, одамларни ҳидоят йўлидан адаштиришга уринмоқда. Айниқса, уларнинг Ислом дини орқали зўравонликни тарғиб қилишлари яхши иш ҳисобланмайди.
Ислом дини зулм ва зўравонликнинг ҳар қандай кўринишини қатъий қоралайди. Аллоҳ таоло шундай марҳамат қилади: “Албатта, Аллоҳ адолатга, эзгу ишларга ва қариндошга яхшилик қилишга буюради ҳамда бузуқчилик, ёвуз ишлар ва зулмдан қайтаради” (Наҳл сураси, 90-оят).
Ушбу оятнинг тафсирида “Ушбу оят карима орқали Аллоҳ таоло мутлоқ адолатга, исломий адолатга буюрмоқда. Адолат мустаҳкам қўрғондир. Адолат шаҳват ва ғазабни жиловлай олишдир. Имом Ғаззолий бундай деганлар:“Инсоннинг ички гўзаллик олами тўрт қувватга таянади, агар мана шу тўрт асос мутаносиб бўлса, хулқ гўзаллиги ҳосил бўлади. Булар –илм, ғазаб, шаҳват ва улар орасидаги адолат мезонидир”. Яна Аллоҳ адолат билан бирга барчага баравар яхшилик қилишга, айниқса қариндошларнинг эҳтиёжларини қондиришга амр этаяпти. Фаҳш-бузуқликлар, ёмонлик қилиш ва ўзгаларга жабр-ситам кўрсатишдан қайтараяпти” дейилади.
Р. Акбаров,
ЎМИнинг Қашқадарё вилоятдаги вакиллик ходими