Икки улуғ неъмат
10628
15-07-2024, 09:57
157
Ўқиш режими
+
-
Аллоҳ таоло биз инсонларга кўп неъматлар берган. Бу неъматлар ичида эса икки улуғ неъмат бор. Бу неъматларнинг бири соғлик бўлса, иккинчиси эса тинчлик (хотиржамлик)дир. Бу ҳақда пайғамбаримиз (с.а.в.) дан шундай ривоят қилинади:“Икки неъмат борки, бу икки неъматдан кўпчилик маҳрумдир. Бири соғлиқ,бири хотиржамликдир” (Имом Бухорий ривояти).
Ҳар бир шахс учун тинчлик-хотиржамлик сув ва ҳаво каби зарур. Афсуски, баъзида бу икки неъматнинг қадрини билавермаймиз. Бу неъмат қадрини Аллоҳ асрасин, тинчлигини-хотиржамлигини йўқотган кишилар билишади.
Инсоннинг ўзи, оиласи тинч-хотиржам бўлса, жамият хотиржам дегани, жамият тинч-хотиржам бўлса, мамлакат тинч-хотиржам дегандир.
Хулоса қилиб айтамизки, Аллоҳ таоло барчамизга, оилаларимизга, мамлакатимизга тинчлик ва хотиржамликни бардавом қилсин!
Руҳиддин Акбаров,
ЎМИнинг Қашқадарё вилоятдаги вакиллик ходими