Давлат мадҳияси ҳар бир миллатнинг юксак қадрияти, мустақиллиги ва ягоналигининг ифодаси ҳисобланади. Ўзбекистон Республикасининг давлат мадҳияси ҳам халқнинг миллий ғурури ва буюк келажакка бўлган ишончини ёрқин акс эттиради. Мадҳия – бу давлатнинг расмий рамзларидан бири бўлиб, унинг маънавий мазмуни халқнинг тарихи ва маданияти билан чамбарчас боғлиқ.
Ўзбекистон Республикасининг давлат мадҳияси 1992 йил 10 декабрда тасдиқланган. Мадҳиянинг сўзлари таниқли ўзбек шоири Абдулла Орипов томонидан ёзилган бўлса, мусиқаси машҳур композитор Мутаваккил Бурҳонов томонидан яратилган. Унда мамлакатнинг бой тарихи, халқнинг меҳнатсеварлиги ва мустақилликка интилиши мужассам қилинган.
Мадҳия матни халқимизнинг қаҳрамонлик тарихи, табиат гўзаллиги ва миллатнинг бирлиги ҳақидаги туйғуларни ифода этади. Унда эл-юртга бўлган муҳаббат, тинчлик ва тараққиётга бўлган ишонч алоҳида ўрин эгаллайди.
Давлат мадҳияси расмий тадбирларда, байрамларда ва муҳим маросимларда ижро этилади. У халқни бирлаштиради, миллий ўзлигини намоён қилади ва ватанпарварлик туйғуларини мустаҳкамлайди. Мадҳияни ижро этиш – давлат ва унинг рамзларига ҳурмат белгиси ҳисобланади.
Ўзбекистон қонунчилигида давлат мадҳиясини қўллаш тартиби белгиланган. Унга нисбатан ҳурматсизлик қилиш қонун бўйича жазоланади. Бу халқнинг маданий ва маънавий қадриятларини ҳимоя қилишда муҳим аҳамиятга эга.
Ўзбекистон давлат мадҳияси халқимизнинг миллий тимсоли, миллий ғурур ва ватанпарварлик тимсолидир. У орқали мамлакатнинг мустақиллиги ва келажакка бўлган ишончи кенг намоён бўлади. Давлат мадҳияси ҳар бир ўзбекистонликнинг қалбида ўз Ватанига бўлган чексиз муҳаббатни уйғотади.
Нилуфар БЕРДИЕВАХожа Бухорий ислом таълим муассасаси