Ҳар бир нарсада миқдор, чегара бор. Ҳар биримиз ўз ҳаддимизни, чегарамизни билишимиз лозим. Ўз ҳаддимизни, чегарамизни билмасдан ҳаракатлансак, яхшиликка олиб келмайди
Интернет тармоқларида айрим кимсаларнинг динда ҳаддан ошаётганликларини гувоҳи бўлаяпмиз. Аслида диндан илм олган, савияси бор одам динда ҳаддидан ошмайди. Диндан илми йўқ, етарли маълумотга эга бўлмаган кишилар динда ҳаддан ошадилар. Чунки Ислом динидан етарли илми бор киши биладики, Ислом дини данда ҳаддан ошишни қоралайди. Буҳақда Пайғамбар (с.а.в.) шундай дейдилар: “Эй, одамлар! Динда ҳаддан ошишдан эҳтиёт бўлинглар! Чунки сиздан аввалгиларни динда ҳаддан ошиш ҳалок қилган” (Ибни Можа ривояти).
Аллоҳ таоло барчамизни динда ҳаддан ошишдан сақлаб, Ўзининг тўғри йўлида бардавом қилсин!
Р. Акбаров,ЎМИнинг Қашқадарё вилояти вакиллик ходими