📚МУЛОЙИМЛИК – ИЛМНИНГ ОТАСИ...
Ҳасан Басрий раҳматуллоҳи алайҳ айтадилар:
“Ҳилм – илмнинг вазири.
Мулойимлик – илмнинг отаси.
Тавозеъ эса илмнинг либосидир”.
⏺️Ҳилм – қийинчиликларга сабрли ва матонатли бўлиб, ғазабни ичга ютиш, одамлар билан муомалада юмшоқ бўлишдир.
Бунинг акси – ғазаб, жиззакилик ва сержаҳлликдир.
⏺️Мулойимлик – юмшоқлик, оғир-босиқлик билан муомала қилиш.
Унинг акси – дағаллик, қўполлик, бағритошлик, қўрсликдир. Расулуллоҳ соллаллоҳу алайҳи ва саллам:
“Албатта, Аллоҳ мулойимдир ва мулойимликни яхши кўрадир”, деганлар.
⏺️Тавозеъ – ўзини катта тутмаслик.
Бунинг акси – такаббурлик, ўзини катта санаш, ғурурланиш.