1448 йил 07 Жумодус соний | 2026 йил 17 ноябрь, Сешанба.
ЎЗ UZ RU EN AR

Намоз вақти: Қарши

Fajr
06:04
Sunrise
07:21
Dhuhr
12:22
Asr
15:42
Maghrib
17:22
Isha
18:39


Намозни тўлиқ адо этинг. Албатта, намоз мўминларга вақтида фарз қилингандир (Нисо сураси 103-оят)

Қашқадарёда “Ҳаж-2025” гуруҳ раҳбарлари йиғилиши ўтказилди

29-04-2025, 14:45 274 Ўқиш режими + -
Бугун, 29 апрель куни Қашқадарё вилояти вакиллигида вилоят бош имом-хатиби Раҳматилло домла Усмонов раҳбарлигида “Ҳаж-2025” мавсуми гуруҳ раҳбарлари учун навбатдаги йиғилиш ўтказилди.  
Йиғилишда аввало гуруҳ раҳбарларининг бурч ва масъулиятлари тушунтирилиб, ҳар бир гуруҳ раҳбари ўз устида ишлаши, ҳаж ибодатига доир билим ва малакаларини оширишлари кераклиги яна бир бор таъкидлаб ўтилди. 
Шунингдек, жорий йилги ҳаж мавсумига пухта тайёргарлик кўриш, ҳар бир элликбоши гуруҳидаги бўлажак ҳожилар билан камида 2-3 маротаба йиғилиш ўтказиб, уларга ҳажнинг арконлари, фарзлари, вожиблари, суннатлари, эҳром ва у ман этадиган ишлар, Макка ва Мадинадаги муқаддас зиёрат жойлари тарихи ҳақида тушунча беришлари зарурлиги таъкидланди. Зиёратчилар орасида ёши улуғлари, беморлари ҳам бўлиши мумкинлигини инобатга олиб, уларга сафар давомида керак бўладиган дори-дармонларини олишлари зарурлиги таъкидланди.
Ўз навбатида, гуруҳ раҳбарларига сафар билан боғлиқ ҳужжат ишлари, гуруҳдаги зиёратчиларнинг паспорт ва бошқа ҳужжатларини юритиш қоидалари борасида ҳам керакли эслатмалар берилди.
Йиғилиш якунида барча гуруҳ раҳбарларига Яратгандан куч-қувват сўраб дуо қилинди. 

 

Қашқадарё вилояти вакиллиги матбуот хизмати