Пайғамбаримиз саллоллоҳу алайҳи васалам Ўзларининг ҳадислари орқали биз умматларни баъзи бир амалларни қилишдан тийилишимиз лозимлигини огоҳлантирганлар. У зот қуйидаги амалларни ҳалок этувчи деб атаб, бизни улардан четланишга буюрганлар:
- Солиҳа-мўмина покиза аёлларни зинода айблаш;
- Аллоҳ ҳаром қилган жонни ноҳақ ўлдириш;
- Етимнинг молини ейиш;
- Уруш куни қочиш;
- Рибо (судхўрлик);
- Сеҳр;
- Аллоҳга ширк келтириш.
Юқоридаги етти ҳалок этувчи ҳақида Пайғамбаримиз саллоллоҳу алайҳи васалам шундай дейдилар:“Етти ҳалок этувчидан четланинг: 1) Аллоҳга ширк келтириш; 2) сеҳр; 3) Аллоҳ ҳаром қилган жонни ноҳақ ўлдириш; 4) рибохўрлик; 5) етимнинг молини ейиш; 6) уруш куни қочиш; 7) солиҳа, мўмина, покиза аёлларни зинода айблаш”. ( Имом Бухорий ривояти).Аллоҳ таоло барчамизни ҳалок этувчи амаллардан Ўз паноҳида асрасин!
Руҳиддин Акбаров,
ЎМИнинг Қашқадарё вилоятдаги вакиллик ходими