1448 йил 07 Жумодус соний | 2026 йил 17 ноябрь, Сешанба.
ЎЗ UZ RU EN AR

Намоз вақти: Қарши

Fajr
06:04
Sunrise
07:21
Dhuhr
12:22
Asr
15:42
Maghrib
17:22
Isha
18:39


Намозни тўлиқ адо этинг. Албатта, намоз мўминларга вақтида фарз қилингандир (Нисо сураси 103-оят)

Бировнинг ҳаққини ейиш ҳаром

2-02-2026, 08:23 158 Ўқиш режими + -
Инсонлар орасида адолат, ҳалоллик ва ўзаро ҳурмат жамиятнинг мустаҳкам бўлишида муҳим аҳамиятга эга. Шу боис, бировнинг ҳаққини ейиш ислом динида қаттиқ қораланган амаллардан бири ҳисобланади. Чунки у инсонни гуноҳга ботиради ва жамиятда ишонч йўқолишига сабаб бўлади.
Бировнинг ҳаққи деганда, унинг мол-мулки, меҳнати, вақти, обрў-эътибори ва шаънига тааллуқли барча ҳақлар тушунилади. Ушбу ҳақларга тажовуз қилиш, уларни ноҳақ ўзлаштириш ёки поймол қилиш ҳаром ҳисобланади. Ҳатто кичик деб ўйланган ҳақ ҳам Аллоҳ наздида катта жавобгарликка сабаб бўлади.
Бировнинг ҳаққини еган инсон бу дунёда тинчлик топмайди, охиратда эса оғир ҳисоб-китобга дуч келади. Чунки Аллоҳ Таоло Ўз ҳаққидан кечиши мумкин, аммо инсонлар ҳаққи кечирилмайди, то ҳақ эгаси рози бўлмагунча. Шунинг учун ҳар бир инсон ўз муомаласида адолатли ва виждонли бўлиши лозим.
Бировнинг ҳаққини сақлаш инсон ахлоқини юксалтириб, жамиятда ишонч ва бирдамликни мустаҳкамлайди. Ҳалол меҳнат қилиш, омонатга хиёнат қилмаслик, қарзни ўз вақтида қайтариш каби ишлар ҳам ўзганинг ҳаққига эҳтиром белгисидир.
Хулоса қилиб айтганда, бировнинг ҳаққини ейиш ҳаром ва хатарли иллатдир. Ундан узоқ бўлиш, ҳар бир ҳаққа адолат билан муносабатда бўлиш инсоннинг ҳам дунёси, ҳам охирати учун энг тўғри йўлдир.

Азамат УСМОНОВ