«МУЛЛА ЮСУФ» МАСЖИДИ
1391
8-04-2020, 14:44
722
Ўқиш режими
+
-
«МУЛЛА ЮСУФ» МАСЖИДИ
«Мулла Юсуф» масжиди Қарши тумани Чоргумбаз қишлоғи жойлашган. Чоргумбаз қишлоғи Қарши шаҳри атрофидаги қишлоқлардандир. Чоргумбаз қишлоғининг номини Т. Нафасов: “Чоргумбаз-Қарши туманидаги қишлоқ. Таркиби: чор+гумбаз-(форс тили). Чор-чаҳор (тўрт, тўртта) сўзининг қисқарган, ўзгарган шакли. Гумбаз-эроний тиллардаги гунбад\ гунбаз сўзининг ўзбекча талаффуз ва имловий шакли. Гумбаз-бинонинг қубба шаклидаги уст қисми. Мачит, даҳма, мозор, гўрхоналарнинг устида айлана шакл қуббали гумбаз қилинган. Битта иморатга тўртта гумбаз бўлганлиги учун чаҳор+гунбаз-чоргумбаз-чоргумбаз (даҳма,мачит) дейилган. Сўнгги даврда атрофидаги қишлоқ ҳам чоргумбаз номи билан юритилган[1]”деб изоҳлайди. Шу қишлоқда 1997 йили халқ ҳашари билан масжид биноси қурилди. Бу масжидга шу қишлоқда яшаган мулла Юсуфбобонинг номи берилди.
“Мулла Юсуф” масжидининг тарҳи тўтрбурчак ҳолда бўлиб, у 8Х8 метрни ташкил қилади. Масжиднинг том қисми гумбаз шаклида ёпилган. Масжидда фуқароларнинг ибодати учун барча шароитлар мавжуд.
“ Мулла Юсуф” масжиди 1998 йилда Ўзбекистон Адлия Вазирлиги томонидан расман рўйхатга олинган.
Ҳозирги кунда “ Мулла Юсуф” масжиди Чоргумбаз, Тахтапул ва Янгибоғ қишлоқлари фуқароларининг диний эҳтиёжларини қондириш йўлида хизмат қилиб келмоқда.
Р. Акбаров.
[1]Нафасов. Т. Қашқадарё қишлоқномаси. Т. “ Муҳаррир” нашриёти. 2009. 310-бет.