«Ис чиқариш»дан мақсад нима?
Савол: Ассалому алайкум! Халқ орасида «ис чиқариш» деган одат бор. Ёғ қиздириб, бўғирсоқ қилинади. Бирон кўнгилсизлик бўлса ёки иши юришмаса шундай қилишади ҳамда кўчага қўшниларга тарқатилади. Шу тўғрими?
Жавоб: Ва алайкум ассалом! Садақа балони қайтариши ҳадиси шарифда бор. Инсон албатта, бир балога гирифтор бўлгандан кейин шу каби ишларни қилишга одатланмай, кўнгилсизликларни кутиб юрмай, доимо имконият даражасида оз бўлса ҳам садақа бериб юришга одатланса, яхши бўлади. Лекин кўчада чалпак қилиб тарқатиш ва бошқа бидъат урф-одатларни қилиш мумкин эмас. Уйида қилсин ва камбағалларга тарқатсин. Шу кифоя.
ЎМИ Фатво ҳайъати