Тайван ҳукумати орол давлатда ҳалол туризмни ривожлантириш дастурини бошлади. Шундай қилиб, мамлакатда биринчи марта ҳалол меҳмонхона ва ҳалол касалхона қуриб битказилди. Тайван ҳукумати Жануби-Шарқий Осиёдан мусулмон сайёҳларни жалб қилиш бўйича кенг кўламли дастурни ҳам эълон қилди. Бу маълумотни Тайван ТИВ ва мамлакатнинг марказий ахборот агентлиги томони тасдиқлади. 1950 йилдан бошлаб, фуқаролар урушидаги мағлубиятдан сўнг, хитойлик "оқлар" Тайван оролига қочиб, у ерда тан олинмаган давлат барпо этишди. Ўзининг мақомига қарамай, Тайван бугунги кунда Осиёдаги энг демократик мамлакат ва дунёдаги энг ривожланган саноатлашган давлатлардан бирига айланди. Шуни ҳам таъкидлаш керакки, ХХРдан фарқли ўлароқ, Тайваннинг Гоминданг ҳукумати ҳеч қачон ҳудуддаги салмоқли мусулмон диаспорасига қарши қатағон сиёсати ўтказмаган ва уларга кенг ички мухторият берган.