МУСУЛМОННИНГ ХУЛҚИ САХИЙЛИК ВА ОЛИЙҲИММАТЛИК ( 11-қисм)
2187
17-07-2020, 11:06
316
Ўқиш режими
+
-
МУСУЛМОННИНГ ХУЛҚИ
САХИЙЛИК ВА ОЛИЙҲИММАТЛИК ( 11-қисм)
Расулуллоҳ хонадонида бир қўй (эчки) сўйилган эди. “Шунда Расулуллоҳ Оиша онамиздан: “ Қўйдан нима қолди?», деб сўрадилар. Оиша онамиз: « Ҳеч нарсаси қолмади фақат бир кифти(елкаси) қолди», деб жавоб килганларида, Расулуллоҳ: “Йўқ ундай эмас. Ўша кифтдан бошқа ҳамма нарсаси қолибди » деб жавоб бердилар. (Термизий ривояти)
Расулуллоҳнинг ушбу гаплари Аллоҳнинг қуйидаги
оятига ҳамоҳангдир: «Сизларнинг қўлингиздаги нарсалар тугайди. Аммо Аллоқнинг даргоҳидаги нарсалар боқийдир” ( Наҳл сураси, 92-оят).
Инсон : «Саховатли бўлиш бу мол-дунёни камайтириб қўяди, инсон камбағал бўлиб қолади ва унинг хотиржамлигини олиб қўяди», деб уйлайди. Бу ўйловлар шайтон васвасаларидир.
Олийҳимматлик ва сахийлик мол-дунёнинг кўпайиши ва ўсиши учун бир йўлдир. Ундан тапқари Аллоҳ йўлида инфоқ-эҳсон қилишда чиниққан киши ҳар доим қўли очиқдир.
Расулуллоҳ айтганлар: «Қасамки, садақа берган одамнинг моли камайиб қолган эмас. Зулмга сабр қилган кишининг обрўсини Аллоҳ зиёда қилади. Бошқалардан у-бу сўраган одамга Аллоҳ камбағаллик эшигини очиб қўяди» ( Ибни Можа ривояти).
Албатта аниқки, бугун сарфланган озгина мол эртага ёки кейин кўп бўлиб қайтади.
Таржимон:
Р. УСМОНОВ
ЎМИнинг Қашқадарё вилоятдаги вакили