1448 йил 08 Жумодус соний | 2026 йил 18 ноябрь, Чоршанба.
ЎЗ UZ RU EN AR

Намоз вақти: Қарши

Fajr
06:05
Sunrise
07:22
Dhuhr
12:22
Asr
15:42
Maghrib
17:21
Isha
18:39


Намозни тўлиқ адо этинг. Албатта, намоз мўминларга вақтида фарз қилингандир (Нисо сураси 103-оят)

ТИЛГА КИРГАН ЧАҚАЛОҚ

7-09-2020, 10:36 381 Ўқиш режими + -
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Бану Исроиллик бир аёл ўғлини эмизаётган эди, олдидан хушсурат бир киши от миниб ўтиб қолди. Аёл отлиққа ҳавас қилиб, «Аллоҳим, ўғлимни шунга ўхшатгин», деб дуо қилди. Шу пайт бола онасининг кўкрагини оғзидан чиқарди, отлиққа қараб туриб, «Аллоҳим, мени унга ўхшатмагин», деди-да, эмишда давом этди. Шу пайт уларнинг олдидан бир аёлни олиб ўтишди. Одамлар уни «Ўғри! Зинокор!» деб ҳақоратлашар, аёл эса: «Аллоҳ менга кифоя. У қандай яхши Вакил», дер эди. Эмизаётган она буни кўриб, «Аллоҳим, боламни бу аёлга ўхшатмагин», деди. Бола эса яна олдинги сафардагидек, «Аллоҳим, мени унга ўхшатгин», деди. Она чақалоғининг икки сафар ҳам ўзига номувофиқ гапирганига ҳайрон бўлиб, бунинг сабабини сўради. Ўғли деди: «Боя олдимиздан ўтган отлиқ золимлардан эди. Шунинг учун «Аллоҳим, мени унга ўхшатмагин», дедим. Одамлар зинокор, ўғри деб айблаган аёл бўлса умуман ўғри ҳам, зинокор ҳам эмас эди. У аслида покдомон аёл бўлиб, одамлар унга ноҳақ туҳмат қилишаётганди. Шунинг учун «Аллоҳим, мени шунга ўхшатгин», дедим».


«Солиҳлар гулшани» китобидан


Манба: Ислом.уз