МУСУЛМОННИНГ ХУЛҚИ
ТЕЖАМКОРЛИК ВА ТЎҒРИЛИК ( 9-қисм)
Ислом қалъалар барпо этилишини, мадрасалар, масжидлар, етимхоналар, болалар уйлари ва касалхоналар бино қилинишини рад этмайди. Балки, булар учун беҳисоб харажат қилади. Чунки буларнинг манфаъати оммага етади ва авлоддан-авлодга қолади. Лекин ёлғиз одам озгина ҳаёти учун уйларини нима учун саройга ўхшатиб қурар экан.
Ислом мусулмон уйи қурилиши ҳам жиҳозланиши ҳам содда-бўлишини хоҳлайди ва буларга ортиқча сарф- харажат бўлмаслигини насиҳат қилади.
Шунингдек, Ислом мусулмонга олтин ва кумушдан ясалган идишлардан фойдаланишни ҳамда ипак матолардан қилинган тўшакларни ишлатишни ҳаром қилган.
Ҳузайфа айтади: «Расулуллоҳ; бизларни олтин ва кумуш идишларда ичишимиздан ва ейишимиздан ҳамда ипак матолардан либос кийишимиздан ва ипак матолардан қилинган тўшаклардан фойдаланишимиздан қайтарганлар». ( Имом Бухорий ривояти).
Дунё лаззатларига берилиб кетган кимсаларга Аллоҳ халокатни эълон қилади:
20. Куфр келтирганлар дўзахга кўндаланг қилинган кунда (уларга): «Ҳаёти дунёдаёқ ҳузур ҳаловатингизни кетказиб, мазасини татиб бўлгансиз. Бугунги кунда ер юзида ноҳақ кибру ҳаво ва фисқу фасод қилганингиз учун хорлик азоби ила жазоланурсиз», дейилур. (Аҳкоф: 20).
Улар бу дунёда тежамкор ва тўғри инсонлар бўлмаганликларини азобланишаётган вақтларидагина эслайдилар.
57. Албатта, Роббиларидан қўрқиб хавфда турувчилар. (Мўмин: 57)
(давоми бор).
"Мусулмон хулқи" китобидан.