1448 йил 07 Жумодус соний | 2026 йил 17 ноябрь, Сешанба.
ЎЗ UZ RU EN AR

Намоз вақти: Қарши

Fajr
06:04
Sunrise
07:21
Dhuhr
12:22
Asr
15:42
Maghrib
17:22
Isha
18:39


Намозни тўлиқ адо этинг. Албатта, намоз мўминларга вақтида фарз қилингандир (Нисо сураси 103-оят)

АЛЛОҲНИНГ ЭНГ ҚУДРАТЛИ ЛАШКАРИ

13-10-2020, 14:39 1 338 Ўқиш режими + -

ҲИКМАТЛИ ҲИКОЯ

Бисмиллаҳир роҳманир роҳийм

Солиҳлардан бирига савол беришди:

  • -        Аллоҳнинг энг қудратли лашкалари қайси?-деб

Солиҳ киши жавоб қилди:

  • -        Темирга назар боқдим ва уни Аллоҳнинг энг қудратли лашкари деб топдим. 

Сўнгра оловга назар солдим, қарасам у темирни эритаётган экан. Шунда дедимки, олов Аллоҳнинг энг қудратли лашкари экан. 

Сўнгра сувга назар солдим, қарасам у оловни ўчираётган экан. Шунда дедимки, сув Аллоҳнинг энг қудратли лашкари экан.

Сўнгра булутларга назар солдим. Қарасам у сувларни ўзида кўтариб юрар экан. Шунда дедимки, булут Аллоҳнинг энг қудратли лашкари экан.

Сўнгра шамолга назар солдим. Қарасам у булутларни етаклар экан. Шунда дедимки, шамол Аллоҳнинг энг қудратли лашкари экан.

Сўнгра тоғларга назар солдим, қарасам у шамолни тўсиб қолар экан. Шунда дедимки, тоғлар Аллоҳнинг энг қудратли лашкари экан.

Сўнгра инсонга назар солдим. Қарасам у тоғни устида уни босиб юрибди. Шунда дедимки, инсон Аллоҳнинг энг қудратли лашкари экан.

Сўнгра инсонни ётқизиб қўядиган нарсага назар солдим. У уйқу экан. Дедимки, уйқу Аллоҳнинг энг қудратли лашкари экан.

Сўнгра уйқуни кетказадиган нарсани топдим. У ғам-қайғу экан. Дедимки, ғам-қайғу Аллоҳнинг энг қудратли лашкари экан

Сўнгра ғам-қайғуни қаерда жойлашганига назар солдим. Унинг жойи қалбда экан. Дедимки, қалб Аллоҳнинг энг қудратли лашкари экан.

Сўнгра қалбга назар солдим. У фақатгина Аллоҳнинг зикр билан ором топар экан. Шунда дедимки, ЗИКР Аллоҳнинг энг қудратли лашкари экан.

“Огоҳ бўлингизки, Аллоҳни зикр этиш билан қалблар ором олур(ва таскин топур).

(Раъд сураси,28-оят)

 

Аллоҳни зикр қилишни унутмайлик, азизлар!

 

Таржимон:


Рустам домла Қиличев

Ўзбекистон Мусулмонлари Идораси

 Қашқадарё вилоят вакиллиги ходими