САВОЛ:
Мен тадбиркорман. Click хизмати орқали пластигимдан одамлар телефонига пул ташлаб берсам ёки хизмат кўрсатсам, хизмат ҳақи олсам бўладими?
ЖАВОБ:
Яқиндагина телефонга пул солиш ишини “пайнет” орқали амалга оширар эдик. Бугун эса унга ҳам ҳожат қолмади. Балки, ўзимизнинг пластик карточкамиздан тўловларни амалга оширяпмиз. Бу ҳам бир қулайлик таъбир жоиз бўлса ҳожатбарорликдир. Бунда агар хизмат ҳаққи сифатида ҳақ олинса монеълик йўқ. Бошқа хизмат кўрсатиш, агар бировнинг псластигига пул ташлаб бериш бўлса, бу қарз ҳисобланиб, неча пул ташлаб берсангиз шуни ва комиссия хизматини ҳам олишингиз мумкин. Аммо ундан ортиқ пул олишга ҳаққингиз йўқ. Валлоҳу аълам.
Ўзбекистон мусулмонлари идораси
фатво ҳайъати.