ИСЛОМ ИҚТИСОДИЁТИ БЎЙИЧА ҚАЙСИ ДАВЛАТ ЕТАКЧИ?
3358
18-11-2020, 12:34
424
Ўқиш режими
+
-
Дубай ислом иқтисодиётини ривожлантириш маркази (DIEDC) ислом иқтисодиётига эга мамлакатларнинг йиллик рейтингини эълон қилди.
Рейтингда биринчиликни Малайзияга, иккинчи ўринни Саудия Арабистони, учинчи ўринни эса Бирлашган Араб Амирликлари эгаллади. Илк бешталикда Индонезия ва Иордания ҳам бор.
2013 йилдан бери эълон қилиб келинаётган рўйхатга бу гал 81 мамлакат киритилди, ундан илк бор Нигерия, Шри-Ланка ва Сингапур ўрин олди. Шунингдек, рейтингда глобал ислом иқтисодиёти кўрсаткичлари ҳам келтирилган. Мутахассисларнинг айтишича, 2019 йилда ҳалол маҳсулотлар ва хизматлар бозори 2,02 триллион долларга тенг бўлди: мусулмонлар ҳалол озиқ-овқат, кийим-кечак, саёҳат, косметика ва ҳоказога айнан шунча маблағ сарфлаган.
Глобал ислом иқтисодиёти ҳажми 2018 йилга нисбатан 3,2 фоизга ўсган, бироқ жорий йилда коронавирус пандемияси туфайли 8 фоизга қисқариши кутилмоқда. Манба: Азон.Уз