1448 йил 07 Жумодус соний | 2026 йил 17 ноябрь, Сешанба.
ЎЗ UZ RU EN AR

Намоз вақти: Қарши

Fajr
06:04
Sunrise
07:21
Dhuhr
12:22
Asr
15:42
Maghrib
17:22
Isha
18:39


Намозни тўлиқ адо этинг. Албатта, намоз мўминларга вақтида фарз қилингандир (Нисо сураси 103-оят)

НАЖОТГА ОЛИБ БОРУВЧИ УЧ ҚОИДА

7-01-2021, 15:16 429 Ўқиш режими + -
НАЖОТГА ОЛИБ БОРУВЧИ УЧ ҚОИДА


        Абу Исҳоқ Хаввос айтади: “Абу Абдуллоҳ деган одам Довуд Тоий (Абу Ҳанийфанинг шогирди)нинг хизматини қилар эди. Довуд унга: “Ўлсам, мени ўзинг ювгин, ҳеч кимга хабар бермагин”, деган эди. Абу Абдуллоҳ шундай деди: “У вафот этгач, тушимга кирди. Бир катта туянинг устига тахтиравон қилинган бўлиб, Довуд   ўшанинг ичида ўтирар эди. Мен унга: “Эй Довуд, Аллоҳга дуо қилинг, мени ҳам сиз билан бирга қилсин”,  дедим. У шундай деди: “Уч нарсани ёдингга тут: қорннинг ярасини очлик билан давола. Дунё хурсандчиликларини охират қайғуси билан тўхтат. Аллоҳнинг муҳаббатини ҳавои нафсингдан устун қўй. Мана шуларни қилсанг, менга албатта йўлиқасан”.
Шу уч нарса ҳақида қисқача тўхталамиз:
     1.Қорннинг ярасини очлик билан даволаш – яъни, тўйиб овқат емаслик, кўпроқ нафл рўзаларидан тутиб юриш.
     2.Дунё ҳурсандчиликларини охират қайғуси билан тўхтатиш – яъни, доимо охират қайғуси билан яшаш. Дунёда мол дунё орттирсада ҳалолидан орттириб, ҳалол йўлга сарфлаш, мол-дунёни қалбида эмас, балки, қўлида тутиш. Дунёни деб охиратни эсдан чиқармаслик.
    3.Аллоҳнинг муҳаббатини ҳавои нафсдан устун қўйиш – Аллоҳнинг муҳаббатига эришиш Расулуллоҳ саллоллоҳу алайҳи васалламга эргашиш билан бўлади. Расулуллоҳ саллоллоҳу алайҳи васалламга эргашиш учун эса нафсдан ғолиб келиш лозим. 
    "Солиҳлар гулшани" китоби асосида
     Рустам Қиличев тайёрлади 
Рустам Қиличев