1448 йил 07 Жумодус соний | 2026 йил 17 ноябрь, Сешанба.
ЎЗ UZ RU EN AR

Намоз вақти: Қарши

Fajr
06:04
Sunrise
07:21
Dhuhr
12:22
Asr
15:42
Maghrib
17:22
Isha
18:39


Намозни тўлиқ адо этинг. Албатта, намоз мўминларга вақтида фарз қилингандир (Нисо сураси 103-оят)

МУСУЛМОННИНГ ХУЛҚИ ТОЗАЛИК ВА СОҒЛОМЛИК (9-ҚИСМ)

11-01-2021, 16:36 367 Ўқиш режими + -

МУСУЛМОННИНГ ХУЛҚИ
ТОЗАЛИК ВА СОҒЛОМЛИК (9-қисм)
 

Йўлларга бавл қиладиганлар эса барчанинг нафрат ва ғазабини қўзғайди.
        Расулуллоҳ шундай деганлар: «Мусулмонлар юрадиган йўлларга бавл қилганларга  Аллоҳнинг, фаришталарнинг ва барча инсонларнинг лаънати
бўлсин!» (Имом Байҳақий ривояти).
             Касалликнинг олдини олишда Ислом жорий қилган қоидалардан яна бири-касаллик зоҳир бўлган шаҳардан чиқмаслик ва у шаҳарга ташқаридагилар кирмасликларидир.
         Расулуллоҳ шундай деганлар: «Агар бирон жойда вабо борлигини эшитсанглар, ўша жойга кирманглар. Агар ўша жойда бўлсанглар, у жойдан чиқманглар!» (Имом Бухорий ривояти).
Бу албатта инсонни ажр-савобларга муяссар қилади.
«Вабо тарқаган' жойдаги одам сабр қилиб, савоб умидида,  Аллоҳ тақдирда ёзгани бўлади, деб у ердан чиқиб кетмаса, унга шаҳидларга бериладиган савоб берилади» ( Имом Бухорий ривояти).
      Баъзи бир таваккалчилар вабо тарқаган шаҳарларга бораверадилар. Бу мутлақо дуруст- эмас. Чунки Умар бин Хаттоб ҳам Шом шаҳрига вабо борлигини эшитиб у ерга бормаганлар. Одамлар унга:« Аллоҳ тақдиридан қочмоқчимисиз?», дейишганда у киши бундай жавоб қилганлар: «Йуқ. Мен   Аллоҳ тақдиридан  Аллоҳ тақдирига қочмоқдаман*.
           Демак касалликдан қутулиш учун сабаб қидириш дуруст. Ислом касалликлар микробларидан сақланишни буюрган. Агар бу буйруқ жорий бўлмаганида эди, касалликдан ҳамма аллақачон ўлиб кетган бўлар эди. Ва Расулуллоҳ ҳам: «Касаллик микробларидан йиртқич шердан қочганингиздай қочинглар!», ( Имом Бухорий ривояти).деб ҳам айтмаган бўлар эдилар.
 

 (давоми бор).  
Таржимон: 
  Р. УСМОНОВ
  
ЎМИнинг Қашқадарё вилоятдаги вакили