Дин ишлари бўйича қўмита Диний идорани мукофот билан қутлади

Kirilcha / Янгиликлар 18-янв-2020, 18:10 0 25

          Ўзбекистон Миллий ахборот агентлиги томонидан 2019 йил давомида оммавий ахборот воситаларида энг фаол ёритилган, тизим фаолиятида очиқлик ва шаффофликни намоён этган, халқ билан ишлашда самарали натижаларга эришган вазирликлар, давлат ва хўжалик бошқаруви органлари, жамоат ташкилотлари, республика ҳудудлари ўртасида танлов эълон қилинган эди.
Танлов ижтимоий сўров асосида “Энг намунали ҳудуд”, “Энг намунали вазирлик”, “Энг намунали давлат ва жамоат ташкилоти” каби номинациялар бўйича сараланди.
Бугун, 17 январь куни “Йил танлови — 2019” нинг тақдирлаш маросими бўлиб ўтди. Унда Ўзбекистон мусулмонлари идораси “2019 йилнинг энг яхши давлат ёки жамоат ташкилоти” йўналишида 3-ўринни қўлга киритгани эълон қилинди.
Шу муносабат билан, Дин ишлари бўйича қўмита жамоаси Ўзбекистон мусулмонлари идорасини “Йил танлови – 2019”да 3 - ўринни қўлга киритгани билан самимий қутлайди.

Дин ишлари бўйича қўмита
Матбуот хизмати

Манба: муслим.уз