1448 йил 07 Жумодус соний | 2026 йил 17 ноябрь, Сешанба.
ЎЗ UZ RU EN AR

Намоз вақти: Қарши

Fajr
06:04
Sunrise
07:21
Dhuhr
12:22
Asr
15:42
Maghrib
17:22
Isha
18:39


Намозни тўлиқ адо этинг. Албатта, намоз мўминларга вақтида фарз қилингандир (Нисо сураси 103-оят)

ЧАҚАЛОҚ ЙИҒЛАГАНДА АЛЛОҲНИ ЗИКР ҚИЛАЁТГАН БЎЛАДИ

10-02-2021, 19:25 1 058 Ўқиш режими + -


     Фарзандингиз йиғласа ҳаловатингиз йўқолиб, ташвишга тушиб, нима сабабдан йиғлаётганини билмай қийналаркансиз. Асабларингиз таранглашиб, ўзингизни қўярга жой топа олмас экансиз. Яқинда Аллоҳнинг фазли ва марҳамати ила Шайх Муҳаммад Содиқ Муҳаммад Юсуф раҳматуллоҳи алайҳ Ҳадис ва ҳаёт силсиласининг “Яхшилик ва ахлоқ китоби” жузида бундай ёзганларини ўқиб қолдим: “Чақалоқ кўп йиғласа, оилада турли ташвиш ва қийинчиликларга сабаб бўлса, ота-она сиқилмаслиги, аччиқланмаслиги керак. Китобларимизда келган хабарларга кўра, чақалоқнинг йиғиси зикр, Аллоҳнинг ягоналигини ёдлаш, ҳамду сано, ота-онасининг ҳаққига дуо ва истиғфор ҳисобланади”.
Ушбу сатрларни ўқиб қалбим анча таскин топди, Алҳамдулиллаҳ. Сизнинг ҳам қалбингиз хотиржам бўлсин деб ушбу маълумотни Сизга илиндим.
Расулуллоҳ соллаллоҳу алайҳи васаллам ҳар бир ишда умматларига гўзал намуна бўлганларидек, Шайх Муҳаммад Содиқ Муҳаммад Юсуф ҳазратлари ҳам барча ишларда йўлбошчи, ўрнак бўлдилар.
Аллоҳ таоло Шайх Муҳаммад Содиқ Муҳаммад Юсуф раҳматуллоҳи алайҳни Ўз раҳматига олсин. Динга қилган хизматларини Ўзининг розилиги билан мукофотласин!
 
Даврон НУРМУҲАММАД

Манба: Муслим.Уз