РАМАЗОН ВА КОРОНАВИРУС ПАНДЕМИЯСИ
4496
9-04-2021, 11:31
257
Ўқиш режими
+
-
Коронавирус ҳолатлари янада кўпайиб кетишидан хавотир олган араб давлатлари Рамазон ойида профилактика чораларини кучайтирмоқчи. “Ал-Арабия” телеканалининг хабар беришича, Саудия Арабистони масжидларида саҳарлик ва ифторликлар ўтазиш тақиқланиши мумкин. Бирлашган Араб Амирликлари пойтахти Дубайда масжидга борганлар ниқоб тақиши шарт, таровиҳ намози ўқиш учун кўпи билан 30 дақиқа вақт берилади.
Миср соғлиқни сақлаш вазири Хейл Зайд Рамазон ойида қариндошлар ва дўстлар орасида борди-келдини тўхтатиб туришни сўради. Шунингдек, у одамларни масжидда намоз ўқиётганда оралиқ масофани сақлашга, масжидга ўз жойнамози билан боришга ва бошқалар билан қўл бериб сўрашмасликка чақирди.
Ўмонда Рамазон ойида дўконлар, дўконлар ва савдо марказлари ёпиқ бўлади. Соат 21:00 дан 04:00 гача комендант соати давом этади.
Марокашда 20:00 дан 06:00 гача амалда бўлган комендантлик соати Рамазонда ҳам давом этади. Азон.уз