1448 йил 07 Жумодус соний | 2026 йил 17 ноябрь, Сешанба.
ЎЗ UZ RU EN AR

Намоз вақти: Қарши

Fajr
06:04
Sunrise
07:21
Dhuhr
12:22
Asr
15:42
Maghrib
17:22
Isha
18:39


Намозни тўлиқ адо этинг. Албатта, намоз мўминларга вақтида фарз қилингандир (Нисо сураси 103-оят)

ҲИНДИСТОН МАСЖИДЛАРИ КАСАЛХОНАГА АЙЛАНТИРИЛАЯПДИ

2-05-2021, 14:18 311 Ўқиш режими + -
Ҳиндистонда коронавирус билан боғлиқ вазият оғирлашди, мазкур инфекциядан вафот этганлар сони 200 мингдан ошиб кетди. Беморлар кўплигидан касалхоналар тўлиб-тошиб кетган, у ерларда жой етишмаётган сабабли масжидлар касалхоналарга айлантирилмоқда.
Масалан, Гужарот штатининг Вадода шаҳрида жойлашгани “Жаҳонгирпур” масжиди 50 ўринли касалхонага айланди. “Бир неча кун ичида 50 ўриннинг бари тўлди, шундай экан, касалхоналар қандай босим остида эканлигини тасаввур қилиш қийин эмас”, – дейди масжид қавмидан Ирфон Шайх. Унинг айтишича, агар беморлар учун қўшимча кислород топилса, ўринлар сонини 100 тага етказиш мумкин. Шунингдек, шаҳардаги “Дорул улум” масжиди 142 ўринли касалхона сифатида ишламоқда. Бу ерда 3 нафар шикофор ва 20 ҳамшира меҳнат қилмоқда.
“Ўринлар сонини мингтага ҳам етказиш мумкин, бироқ кислород захираси чекланган”, – дейди масжид бошқаруви қўмитаси аъзоси Ашфақ Малик Тандалжа.
Бир қатор масжидлар эса соғлиқни сақлаш тизимига бошқача ёрдам беряпти: касалхоналар учун килород баллонлари сотиб оляпти ва уйда даволанаётган беморларга таом тарқатяпти, дея хабар беради ArabNews.
Азон.Уз