1448 йил 08 Жумодус соний | 2026 йил 18 ноябрь, Чоршанба.
ЎЗ UZ RU EN AR

Намоз вақти: Қарши

Fajr
06:05
Sunrise
07:22
Dhuhr
12:22
Asr
15:42
Maghrib
17:21
Isha
18:39


Намозни тўлиқ адо этинг. Албатта, намоз мўминларга вақтида фарз қилингандир (Нисо сураси 103-оят)

ЖОНЛИҚ ҚОНИНИ ЯНГИ ИМОРАТ УСТИДАН ОҚИЗИШ ДИНИМИЗДА БОРМИ?

2-05-2021, 18:20 453 Ўқиш режими + -
CАВОЛ: Бизнинг вилоятда уй қуриб битказилганидан сўнг, ана ўша битган иморат тепасидан борорта жонлиқни сўйиб, унинг қонини оқизиш удуми бор. Шунга ўхшаш, жонлиқ қонини оқизиш каби ишлар аслида динимизда борми?

ЖАВОБ: Бисмиллаҳир Роҳманир Роҳим.
Шариатимизда янги олинган буюмга “қон суртиш” ёки янги қурилган иморат устидан “қон оқизиш” йўқ. Бу хурофот иш бўлиб, бунинг ҳеч қандай шаръий асоси мавжуд эмас. Мўмин-мусулмон инсоннинг ҳар бир иши Қуръони каримга ва Пайғамбаримиз Муҳаммад алайҳиссаломнинг муборак суннатларига мувофиқ бўлиши даркор. Ушбу икки манбага зид келган ҳар қандай эътиқод ёки урф-одат рад этилади. Буюк аждодимиз Имом Бухорий ривоят қилган ҳидиси шарифда: “Расулуллоҳ саллаллоҳу алайҳи васаллам: “Ким бизнинг бу ишимиз(яъни, динимиз)да ундан бўлмаган нарсани янгитдан пайдо қилса, у рад этилгандир”, – деганлар”.

Қолаверса, қон шариатимизга кўра нажосат ҳисобланади. У бор жойда жинлар тўпланади. Саволда сўралганидек, янги қурилган иморат тепасидан борорта жонлиқни сўйиб, унинг қонини оқизиш сабабидан уй эгаларига жинлар томонидан зиён етиш хавфи ҳам пайдо бўлади. Шунинг учун бу каби хурофотлардан сақланиш лозим. Валлоҳу аълам.

Ўзбекистон мусулмонлари идораси
Фатво ҳайъати.