Қорнида боласи бор ҳайвонни қурбонлик қилса бўладими?
5254
19-07-2021, 15:59
330
Ўқиш режими
+
-
Қорнида боласи бор ҳайвонни қурбонлик қилса бўладими?
Қурбонликка мол олгунча, ҳайвоннинг қорнида боласи борми, йўқлигига эътибор бериш лозим. Агар молнинг қорнида боласи бўлса ва у қурбонлик қилинадиган бўлса, унинг қорнидаги боласи зое бўлади. Айниқса, туғишга яқин молни сўйиш макруҳдир.
“Ҳомиладор ҳайвон қурбонликка ярайдими? Ҳомиладор ҳайвон қурбонлик қилишдан аввал туғса, ҳукми қандай бўлади?” деган саволга Ўзбекистон мусулмонлар идораси Фатво ҳайъати томонидан берилган жавобда шундай дейилади: “ Бисмиллаҳир Роҳманир Роҳим. Ҳомиладор ҳайвонни қурбонлик қилиш жоиз, чунки мазҳабимизда ҳомила қурбонликдан ман қилувчи нуқсонлардан, деб эътиборга олинмайди.Туғишга яқинлашиб қолган ҳайвонни сўйиш макруҳдир, чунки бунда унинг қорнидаги боласини зое қилиш бор. (Аллома Ибн Нужайм, “Баҳрур роиқ” китоби). Ҳомиладор ҳайвонларни қурбонлик учун ҳам, гўшт учун ҳам сўйиш яхши эмас. Лекин ундай ҳайвонларни қурбонлик қилинса, дуруст бўлади. Қурбонлик қилинишидан аввал туққан ҳайвоннинг боласи онаси билан сўйилади ва эгаси ҳайвон боласи гўштини емайди, камбағалларга беради. Агар еса қийматини садақа қилади. Яна бир йўли ҳайвон боласини сўймасдан ўзи ёки қиймати садақа қилинади. (Аллома Ибн Обидин, “Раддул муҳтор” китоби). Валлоҳу аълам”.
Аллоҳ таоло қилаётган қурбонликларимизни қабул айласин!
Р. Акбаров,
Ўзбекистон мусулмонлари идорасининг Қашқадарё вилоятдаги вакиллик ходими