Чилида мусулмонлар сони ортмоқда
5564
18-09-2021, 10:01
249
Ўқиш режими
+
-
Чилидаги илк мусулмонлар XIX-XX асрларда ҳозирги Ливан, Сурия ва Фаластин ҳудудларидан келган иммигрантлар эди. 1920-йилларда бу ерда мусулмонларнинг дастлабки ташкилотлари пайдо бўла бошлади. Ҳозир Чилида 13 та масжид ва Ислом маркази фаолият кўрсатяпти, мусулмонлар сони 5 мингдан ошди.
The Intelligencer нашрининг ёзишича, чилилик мусулмонлар сони тобора ортмоқда.
Пойтахт Сантьягодаги “Мезкита ас-Салом” масжидига 1989 йилда асос солинган. Бу ерга нафақат муҳожир мусулмонлар, балки ислом динини танлаган маҳаллий аҳоли вакиллари ҳам келади. Масжиддаги ваъзлар испан ва араб тилларида олиб борилади. Чилилик мусулмонларнинг катта қисми пойтахтда истиқомат қилади.
Хадича исмли маҳаллий аёл бундан ўн йил аввал исломни қабул қилган. У ислом дини ҳақида интернетдан маълумот олган, кейин эса мусулмонликка ўтиш учун Сантьяго масжидига келган. Хадича Қуръон курсларига мунтазам қатнаб келади.Азон.уз