1448 йил 07 Жумодус соний | 2026 йил 17 ноябрь, Сешанба.
ЎЗ UZ RU EN AR

Намоз вақти: Қарши

Fajr
06:04
Sunrise
07:21
Dhuhr
12:22
Asr
15:42
Maghrib
17:22
Isha
18:39


Намозни тўлиқ адо этинг. Албатта, намоз мўминларга вақтида фарз қилингандир (Нисо сураси 103-оят)

Пайғамбаримиз соллаллоҳу алайҳи васалламнинг босиб ўтган йўллари рақамлаштирилмоқда

21-03-2022, 17:58 282 Ўқиш режими + -
Саудия Арабистонининг миллий-маданий лойиҳалар билан ишловчи “Samaya Investment” компанияси Пайғамбаримиз соллаллоҳу алайҳи ва салламнинг ҳижрат йўлларини рақамлаштириш лойиҳасини ишлаб чиқди. Бу ҳақда islam.ru сайти маълум қилган.
Бунда Набий соллаллоҳу ва салламнинг ҳижрат асносида босиб ўтган йўллари, қаерларда бўлганлари ҳақидаги маълумотлар тўлиқ суратларда акс эттирилади. Ҳозирда мутахассислар Пайғамбаримиз босиб ўтган ёки тўхтаб ором олган қирқдан зиёд жойлар аниқлаган. Мисол учун, Маккадаги “Савр” ғори Мадинадаги  “Қубо” масжиди шулар жумласидан.
Мазкур компания бош директори Фаваз Марҳажнинг айтишича, лойиҳани амалга оширишда замонавий техонологиялардан кенг фойдаланилмоқда. Аэрофотосурат ва 360 даражали панорамали суратлар Макка шаҳрига ташриф буюраётган зиёратчиларга қулайлик яратиши баробарида Набий соллаллоҳу алайҳи ва салламнинг ҳаётлари билан кенгроқ танишиш имкониятини яратади.
Ҳозирда лойиҳанинг биринчи босқичи якунланган бўлиб, уни амалга оширишда мухатассислар йўлларнинг нотекислиги ва баъзи тарихий обидаларнинг номлари ўзгаргани каби муаммоларга дуч келишмоқда.
 
Ўзбекистон мусулмонлари идораси Матбуот хизмати