Инсон уч мақсадга кўра либосланади. Биринчиси, иқлим-шароитдан келиб чиқиб, ўз танасини ҳар хил ташқи зарарлардан ҳимоя қилиш учун кийинади. Қишда совуқдан, ёзда иссиқдан ҳимояланади. Иккинчиси, шарми-ҳаё, яъни эркаклик ва аёллик азолари бўлган авратларни беркитиш учун либосланади. Учинчиси, зийнатланиш, яъни кўзга яхши кўриниш учун либосланади.
Либосланишдаги мана шу уч мақсадни қайси бирини бирламчи қилиш билан инсонлар бир-бирларидан либосланишда фарқланади.
Ғарб халқлари дунё қарашига кўра энг аввал ўзгалар кўзига чиройли бўлиб кўринишга бирламчи қилиб либосланишади.
Шарқ халқлари эса шарму-ҳаёни ёдда тутиб, таналарини ташқи таъсирдан ҳимоялаган ҳолда чиройли кийинишга аҳамият беришади.
Хусусан, мусулмонлар либосланишдан мақсад Аллоҳ таолонинг амрига мувофиқ, авратларини ёпиш, иссиқ-совуқдан ҳимояланиш учун чиройли, тоза-озода кийимлар киядилар.
Аллоҳ таоло барчамизни Ўзининг ҳақ йўлида бардавом қилсин!
Р. Акбаров,
ЎМИнинг Қашқадарё вилоят вакиллиги ходими