1448 йил 07 Жумодус соний | 2026 йил 17 ноябрь, Сешанба.
ЎЗ UZ RU EN AR

Намоз вақти: Қарши

Fajr
06:04
Sunrise
07:21
Dhuhr
12:22
Asr
15:42
Maghrib
17:22
Isha
18:39


Намозни тўлиқ адо этинг. Албатта, намоз мўминларга вақтида фарз қилингандир (Нисо сураси 103-оят)

Бузғунчилик- зарарли иллат

21-07-2022, 10:24 222 Ўқиш режими + -
Инсон учун ҳар қандай ҳолатда ҳам бузғунчилик яхши иш эмас. Ислом дини бузғунчиликнинг ҳар қандай кўринишини қоралайди.                                                                                                                                                                                  Аслида, Ислом дини мўъмин-мусулмонларни бузғунчилик қилишдан,   ўзаро ихтилоф қилишдан, фитна-фасод уюштиришдан қайтаради.
Мўъмин-мусулмонлар орасида бузғунчилик қилиш,  фитна-фасод тарқатиш, ихтилоф қилиш эса “ислоҳот” ҳисобланмайди. Бундай “ислоҳот”ни Ислом дини қоралайди.  Бу ҳақда Аллоҳ таоло “Қуръони карим”да шундай дейди:«Уларга: «Ер юзида фасод (бузғунчилик) қилмангиз!» - дейилса, улар: «Албатта, биз чин ислоҳчилармиз», - дейдилар. Огоҳ бўлингки, айнан уларнинг ўзлари бузғунчилардир, лекин (буни ўзлари) сезмайдилар» (Бақара сураси, 11-12-оятлар).                                                                                                                                                                                  Ушбу оятнинг тафсири ҳақида “Тафсири ирфон”да:“Ер юзида бузғунчилик қилиб юриш, кишилар ўртасида фитна-фасод уруғларини сочиш, дин ниқоби остида бегуноҳ одамларга зулм қилиш, улар жони ва молига тажаввуз этиш инсониятга қаратилган энг мудҳиш жиноятдир. Террор, бузғунчилик, зулм, урушлар, одамларнинг жабр-ситам кўришлари ва хўрланишларига сабаб бўлувчи бошқа барча тажаввузкорликларни динимиз қоралаган” дейилади.                                                                                                                                                                                           Аллоҳ таоло барчамизни тинчлик-осойишталик йўлида ўзаро ҳамжиҳат бўлиб, эзгу амалларни қилишга муваффақ қилсин!                                                                                                                                                                                                                      Р. Акбаров,
ЎМИнинг Қашқадарё вилоят вакиллиги ходими, Қарши туман “Акбар халифа эшон ибн Мухтор” масжиди имом хатиби