1448 йил 07 Жумодус соний | 2026 йил 17 ноябрь, Сешанба.
ЎЗ UZ RU EN AR

Намоз вақти: Қарши

Fajr
06:04
Sunrise
07:21
Dhuhr
12:22
Asr
15:42
Maghrib
17:22
Isha
18:39


Намозни тўлиқ адо этинг. Албатта, намоз мўминларга вақтида фарз қилингандир (Нисо сураси 103-оят)

Ким бахиллик қилса...

23-05-2023, 14:41 247 Ўқиш режими + -
Маълумки, бахиллик инсон учун салбий сифат ҳисобланади. Ким бахиллик қилса, бас у ўзининг зиёнига бахиллик қилади. 
Аллоҳ таоло “ Қуръони карим”да шундай дейди: “ Мана, сизлар шундай кишилардирсизки, Аллоҳ учун инфоқ-эҳсон қилишга буюрилгансизлар. Бас, сизларни орангизда   бахиллик қиладиган кишилар ҳам бордир. Ким бахиллик қилса, бас, албатта у фақат ўз зиёнига бахиллик қилур”.                     ( Муҳаммад сураси, 38-оят).
          Ким бахиллик қилса, ўзини дунё ва охират яхшиликларидан  маҳрум бўлади. Пайғамбар (с.а.в.) шундай дейдилар: “Алдоқчи, миннатчи ва бахил жаннатга кирмайди”, деб огоҳлантирилади. (Термизий ривояти).
         Инсон ўзидаги бахилликни ҳар доим сахийлик қилиш билан енгиб бориши лозим. Бу ҳақда ўз даврида Луқмони Ҳаким ўғлига шундай насиҳат қилади: “ Эй, фарзандим, бахилликдан сақлан, бахиллик дунё ва охиратингни  бузади. Инсонлар олдида мурувватинг камаяди, обрўйинг кетади. Одамлар олдида иззат ва улуғлигинг кетади.  Ғазабингни мулойимлик билан, енгилликни вазминлик билан, нафснинг ҳавосини тақво билан, шак-шубҳани ҳақиқат билан, ботилни ҳақ билан, бахилликни ўз молинг билан енггин”.          
           Дарҳақиқат, инсон учун бахиллик ҳеч қачон бирор манфаат келтирмайди. Бахиллик жамиятдаги кишилар  ўртасида меҳр-оқибатни кўтарилишига, инсонларнинг бир-бирларини ёмон кўришлари ва улар ўртасидаги инсоний алоқаларга путур етишига сабаб бўлади. Шу сабабли инсон ўз табиатидаги бахилликка тўғри баҳо бериб, уни хайру-саховат билан ушлаш натижасида икки дунё саодатига эришади. 
Р. Акбаров,
ЎМИнинг Қашқадарё вилоятдаги вакиллик ходими