1448 йил 07 Жумодус соний | 2026 йил 17 ноябрь, Сешанба.
ЎЗ UZ RU EN AR

Намоз вақти: Қарши

Fajr
06:04
Sunrise
07:21
Dhuhr
12:22
Asr
15:42
Maghrib
17:22
Isha
18:39


Намозни тўлиқ адо этинг. Албатта, намоз мўминларга вақтида фарз қилингандир (Нисо сураси 103-оят)

“ Хўжа Хофиз” масжиди

29-02-2020, 15:00 662 Ўқиш режими + -

“ Хўжа Хофиз” масжиди

          “Хўжа Хофиз” масжиди Қарши тумани Нукрабод қишлоғида жойлашган. Маълумки, Нукрабод қишлоғи Қарши туманидаги қадимги қишлоқлардан биридир. Бу қишлоқ ҳақида таниқли топономик олим Т. Нафасов шундай ёзади: “Нукрабод-Қарши туманидаги шаҳарча(2009). Нуқработ ёзиш ҳолати ҳам бор. Таркиби: нук+работ. Нук сўзини наҳр (а)сўзи асосида анҳорли, ариқли работ тарзида изоҳлашади. Наҳр+работ-накр-работ-нукрработ-нукработ тарзида ўзгарган кўриниши бўлиши мумкин. Бошқача изоҳ: янги маъносидаги нав/нув/нуз/нуж сўзига работ сўзи қўшилиб Нукрабод номи яралган. Маъноси-янги работ [1]деб ёзади.

          Қадимда Нукрабод ариғи қишлоқ бўйлаб оқиб ўтиб, ариқ ёқасида балхий тутлар экилган эди. Ана шу ариқ ёқасида аждодларимиз томонидан масжид қурилади. Масжид олдида 10Х10 метрли ҳовуз барпо этилган. Масжидда ичимлик суви доим бўлиб туриши учун тош қудуқ ҳам барпо қилинади.

           Масжид томи устунлар ёрдамида  кўтарилиб, у тахта жуфт қилиб ёпилган. Мана шу устунларнинг бирида қуйидаги ёзувлар бугунги кунгача сақланади: 

          Фий шаҳри ражаби-л-муражжаби санаи 1321. Амали усто Турсунхожа валади Яъқубхожа. Санаи 1321. Ин мусалло хожа Ҳофиз раҳматуллоҳи алайҳро бино карда... Саййид Қаландархожа валади Ҳожихожа.

          Мана шу битиклардан келиб чиққан ҳолда масжидга  “Хўжа Хофиз” номи берилган.

         Мустақилликнинг дастлабки йилларида масжид қайта таъмирланилди. 2012 йилда  масжид қайтадан қурилди ва унинг ўнг томон айвон қисми масжидга қўшиб ёпилди. Масжиднинг асосий хонақоҳи тўғри тўртбурчак тарҳли бўлиб, 6Х12 метрдан иборат.  

2017-2018 йилларда масжидда янги замонавий таҳоратхона қурилди. 1998 йилда масжид Ўзбекистон Республикаси Адлия вазирлиги томонидан қайта рўйхатга олинди.

         “Хўжа Хофиз” масжиди Нукрабод, Яккаёғоч, Батош, Сахтапиёз қишлоқлари фуқароларининг диний эҳтиёжлари қондириш йўлида хизмат қилиб келмоқда. 

Р.Акбаров 





[1] Нафасов. Т. Қашқадарё қишлоқномаси. Т. “ Муҳаррир” нашриёти. 2009. 184-бет.