Баъзи бир кимсалар очиқдан-очиқ мусулмонлар орасида мазҳабни рад қилишга ҳаракат қиладилар. Аслида, мазҳабсизлик даъвосини ёйишнинг ўзи ихтилоф манбаи бўлиб, Ислом дини, хусусан, мусулмонлар бирлигига улкан таҳдид туғдирадиган омил эканига шубҳа йўқ.
Улар ўзларини бирор бир мазҳабга амал қилмасликларини даво қиладилару, аслида намоз ва бошқа ибодатларда тўрт мазҳаб имомларидан бирига эргашадилар. “Мазҳаб деган нарса Расулуллоҳнинг даврларида бўлмаган, биз уларга эмас Аллоҳ ва Расулига эргашамиз”- деган даъвони қиладилар. Бу ўта калтафаҳмлик ва жоҳиллик, хусусан, ғаразгўйликдан бошқа нарса эмас.
Мазҳабни рад қилиш мусулмонлар орасида фитна, алдовларни тарқатишдир.
Аллоҳ таоло барчамизни турли фитна ва алдовлардан Ўз паноҳида асрасин!
Н. Маннанов,Қарши туман “Қуйи Бешкент” масжиди имом хатиби