Дарҳақиқат, инсон ҳаёти синовлардан иборат.Ҳаётда яшар эканмиз доимо синовда бўламиз. Аллоҳ таоло биз ҳар хил йўллар биилан синаб кўради.
Аллоҳ таоло шундай дейди: “ Ва албатта сизларни хавфу хатар,очлик, молу жон ва мева-чеваларни камайтириш каби нарсалар билан имтиҳон қиламиз. Бирор мусибат етганда: “Албатта биз Аллоҳнинг (бандаларимиз) ва албатта биз у зотга қайтгувчилармиз”, дейдиган собирларга хушхабар беринг”. (Бақара сураси,155-156 оятлар). Бу оятнинг тафсирида шундай деди: “Аллоҳ таоло бандаларини “бир оз қўрқинч ва очлик билан, мол-мулкка, жонга, меваларга нуқсон етказиш билан ” синайди. Қийинчиликларда, синовдарда одам тобланади. “Қўрқинч” деганда душмандан бўладиган хавф-хатар туйғуси тушунилади. Қаҳатчилик ёки бошқа сабаблардан келиб чиқадиган очарчилик ҳам Аллоҳ таолонинг бир нав синовидир. Шунингдек, ўғри олиши, офат етиши ёки золимларнинг тажовузи туфайли мол-мулкка нуқсон етказин; турли хасталиклар билан, яқин кишиларнинг, ёр-биродар ва шерикларнинг ўлими, касаллиги билан жонга нуқсон етказиш; меваларга офат юбориш, баракасини ўчириш билан зарар етказиш ила синаб кўрамиз, дейди...”.
Хулоса қилиб айтамизки, Аллоҳ таоло барчамизни синовлардан муваффаққиятли ўтишга мушарраф қилсин!
Р. Акбаров, ЎМИнинг Қашқадарё вилоятидаги вакиллик ходими