1448 йил 07 Жумодус соний | 2026 йил 17 ноябрь, Сешанба.
ЎЗ UZ RU EN AR

Намоз вақти: Қарши

Fajr
06:04
Sunrise
07:21
Dhuhr
12:22
Asr
15:42
Maghrib
17:22
Isha
18:39


Намозни тўлиқ адо этинг. Албатта, намоз мўминларга вақтида фарз қилингандир (Нисо сураси 103-оят)

Намоздан олдин мисвок қилиш | Ҳадис дарслари (310-дарс)

24-12-2024, 15:13 208 Ўқиш режими + -
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

عَنْ حُذَيْفَةَ رَضِي اللهُ عَنْهُ قَالَ: كَانَ النَّبِيُّ صَلَّى اللهُ عَلَيْهِ وَسَلَّمَ إِذَا قَامَ لِيَتَهَجَّدَ يَشُوصُ فَاهُ بِالسِّوَاكِ.
Ҳузайфа розияллоҳу анҳудан ривоят қилинади:
«Набий соллаллоҳу алайҳи васаллам кечаси Таҳажжуд намози учун турсалар, оғизларини мисвок билан ишқалар эдилар».
Шарҳ: Маълумки, уйқудан кейин одамнинг оғзи бемаза бўлиб, турли ҳид чиқиб туради. Шунинг учун уйқудан уйғонгач, оғизни тозалаш учун мисвок қилиб, кейин таҳажжуд намози ўқилгани маъқул.
عَنْ أَبِي مُوسَى رَضِي اللهُ عَنْهُ قَالَ: أَتَيْتُ النَّبِيَّ صَلَّى اللهُ عَلَيْهِ وَسَلَّمَ فَوَجَدْتُهُ يَسْتَنُّ بِسِوَاكٍ بِيَدِهِ يَقُولُ أُعْ أُعْ وَالسِّوَاكُ فِي فِيهِ كَأَنَّه يَتَهَوَّعُ. رَوَاهُمَا الْخَمْسَةُ إِلَّا التِّرْمِذِيَّ.
Абу Мусо розияллоҳу анҳудан ривоят қилинади:
«Набий соллаллоҳу алайҳи васалламнинг ҳузурларига келсам, қўлларидаги мисвокни оғизларига солиб олиб, худди қайт қилаётганга ўхшаб, ў-ў-лаб мисвок қилаётган эканлар».
Бешовларидан фақат Термизий ривоят қилмаган.
Шарҳ: Бу ривоятда Пайғамбаримиз соллаллоҳу алайҳи васалламнинг тиш ва оғизларини жиддийлик билан яхшилаб, охирига етказиб тозалаш мақсадида мисвок қилишлари ҳақида сўз бормоқда. Биз ҳам Пайғамбаримиз соллаллоҳу алайҳи васалламдан ўрнак олиб, тиш ва оғизларимизни тозалаб юришимиз мақсадга мувофиқдир.
عَنْ أَبِي هُرَيْرَةَ رَضِي اللهُ عَنْهُ، عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: لَوْلَا أَنْ أَشُقَّ عَلَى أُمَّتِي لَأَمَرْتُهُمْ بِالسِّوَاكِ عِنْدَ كُلِّ صَلَاةٍ. رَوَاهُ الْخَمْسَةُ.
Абу Ҳурайра розияллоҳу анҳудан ривоят қилинади:
«Набий соллаллоҳу алайҳи васаллам:
«Агар умматимга машаққат бўлишини ўйламаганимда, албатта, уларни ҳар намоздан олдин мисвок қилишга амр этган бўлур эдим», дедилар».
Бешовлари ривоят қилганлар.
Уламоларимиз ҳар намоздан олдин мисвок қилиш суннати муаккададир, деганлар. Бунга амал қилиб боришимиз лозим.
«Ҳадис ва ҳаёт» китобининг 4-жузи асосида тайёрланди.