Davlat bayrog‘i – milliy qadriyatlarimizning yuksak ifodasi
Bugun Xoja Buxoriy o‘rta maxsus islom ta’lim muassasasida 18-noyabr – O‘zbekiston Respublikasi Davlat bayrog‘i qabul qilingan kun munosabati bilan tashkil etilgan mazkur tadbir mamlakatimiz suvereniteti, mustaqilligi va milliy o‘zligining muhim ramziga bo‘lgan hurmatni yanada yuksaltirishga qaratilgan.
Davlat bayrog‘i – yurtimizning sha’ni va shavkati, xalqimizning tarixiy ildizlari, buguni va kelajagini mujassam etgan muqaddas timsoldir. U xalqimizning birlik, tinchlik, barqarorlik yo‘lidagi intilishlarini ifodalaydi hamda har bir fuqaroni Vatanga sadoqat, yurtga muhabbat va mas’uliyatli burch hissiga chorlaydi.
Mazkur tadbir orqali yoshlarda davlat ramzlariga nisbatan hurmat va e’tiborni yanada kuchaytirish, ularni Vatan ravnaqi yo‘lida fidokorlik, intilish va g‘urur ruhida tarbiyalash maqsad qilingan.

