1448 йил 07 Жумодус соний | 2026 йил 17 ноябрь, Сешанба.
ЎЗ UZ RU EN AR

Намоз вақти: Қарши

Fajr
06:04
Sunrise
07:21
Dhuhr
12:22
Asr
15:42
Maghrib
17:22
Isha
18:39


Намозни тўлиқ адо этинг. Албатта, намоз мўминларга вақтида фарз қилингандир (Нисо сураси 103-оят)

“Виждон эркинлиги ва диний ташкилотлар тўғрисида”ги Қонуннинг 1-моддаси ҳақида

19-01-2026, 17:02 127 Ўқиш режими + -
“Виждон эркинлиги ва диний ташкилотлар тўғрисида”ги Қонуннинг 1-моддаси: қонуннинг мақсади ва амал қилиш доираси ҳақида
Ўзбекистон Республикасида инсон ҳуқуқ ва эркинликларини таъминлаш давлат сиёсатининг устувор йўналишларидан бири ҳисобланади. Шу ҳуқуқлар ичида виждон эркинлиги алоҳида аҳамиятга эга бўлиб, мазкур соҳадаги ҳуқуқий муносабатлар “Виждон эркинлиги ва диний ташкилотлар тўғрисида”ги Қонун орқали тартибга солинади. Қонуннинг 1-моддаси ушбу норматив-ҳуқуқий ҳужжатнинг мақсади, вазифаси ва амал қилиш доирасини белгилаб беради.
1-моддага мувофиқ, мазкур қонуннинг асосий мақсади-Ўзбекистон Республикасида виждон эркинлигини таъминлаш, фуқароларнинг динга бўлган муносабатини эркин белгилаш ҳуқуқини кафолатлаш ҳамда диний ташкилотлар фаолиятини ҳуқуқий жиҳатдан тартибга солишдан иборат. Бу норма ҳар бир шахснинг қайси динга эътиқод қилиш, бирор динни қабул қилмаслик, диний эътиқодини эркин ифода этиш ҳуқуқларини давлат томонидан ҳимоя қилинишига асос бўлади.
Қонуннинг 1-моддаси мазкур қонун қайси соҳадаги муносабатларни тартибга солишини ҳам белгилайди. Яъни фуқароларнинг виждон эркинлиги билан боғлиқ ҳуқуқлари, диний ташкилотларнинг ташкил этилиши, рўйхатдан ўтказилиши ва фаолияти, давлат органлари ва диний ташкилотлар ўртасидаги муносабатлар айнан шу қонун билан тартибга солинади. Бу ҳолат ҳуқуқий аниқликни таъминлаб, дин соҳасида қонун устуворлигини мустаҳкамлайди.
1-модда ўз мазмунига кўра Ўзбекистон Республикаси Конституциясида мустаҳкамланган виждон эркинлигига оид нормаларга таянади. Хусусан, Конституцияда ҳар бир инсоннинг виждон эркинлигига эга экани ва диннинг давлатдан ажратилганлиги белгилаб қўйилган. Мазкур қонун ана шу умумий қоидаларни аниқ ҳуқуқий механизмлар орқали ҳаётга татбиқ этади. Қонуннинг 1-моддаси кейинги барча моддалар учун ҳуқуқий асос ҳисобланади. У қонуннинг умумий йўналишини белгилаб, уни қўллашда ягона ёндашувни таъминлайди. Шу сабабли, ушбу модда виждон эркинлиги ва диний ташкилотлар билан боғлиқ барча масалаларни ҳал этишда бош мезон сифатида хизмат қилади. 
Хулоса қилиб айтганда, “Виждон эркинлиги ва диний ташкилотлар тўғрисида”ги Қонуннинг 1-моддаси мазкур қонуннинг ғоявий ва ҳуқуқий пойдевори ҳисобланади. У фуқароларнинг виждон эркинлигини кафолатлаш, диний соҳада қонунийликни таъминлаш ва давлат ҳамда диний ташкилотлар ўртасидаги муносабатларни ҳуқуқий асосда тартибга солишга қаратилган.
Наргиза Садатова,
Ўзбекистон мусулмонлари идорасининг 
Қашқадарё вилоятидаги вакиллиги ҳуқуқшуноси