Дарҳақиқат, инсон учун хотиржамлик муҳим нарсадир. Руҳий ва нафсий хотиржамлик инсонларни доимо маънавий тўғри ҳаётга, абадий охират диёрига, ҳеч қачон ўлмайдиган Аллоҳ таолонинг ҳузурига чорлашга сабаб бўлиши мумкин.
Кишида хотиржамлик бўлса ҳақиқий бойлик молу дунёнинг кўплигида эмаслигини, бу нарса инсоннинг ички олами билан боғлиқ нарса эканлигини англайди. Ҳадиси шариф ҳам буни исботлайди: “Бойлик дегани нарсаларнинг кўплигида эмас, балки, нафснинг тўқлигидадир”.
Инсон нафсий хотиржамлик туфайли кўп яхшиликларни қўлга киритади. Расулуллоҳ саллоллоҳу алайҳи ва саллам бундай марҳамат қилганлар: “Жаброилнинг менга билдиришича, бирор жон ўз ризқини тўлиғича олмагунча ўлмайди. Шундай экан, Аллоҳга тақво қилинглар ва ризқ талабида чиройли йўлни танланглар”.
Аллоҳ таоло барчамизга дунё ва охиратда хотиржамлик ато қилсин!
Руҳиддин Акбаров,
ЎМИнинг Қашқадарё вилоятдаги вакиллиги ходими