Ислом дини инсонларни тинчлик, биродарлик, аҳиллик ва ўзаро ҳурматга чақиради. Турли масалаларда асоссиз тортишувлар ва келишмовчиликлар чиқариш эса жамиятда низо ва бўлинишларга сабаб бўлиши мумкин.
Айниқса, диний масалаларда етарли билимга эга бўлмасдан ҳукм чиқариш, бошқаларни камситиш ёки ўз фикрини мажбуран қабул қилдиришдан сақланиш лозим. Ихтилофли масалаларда илм аҳлига мурожаат қилиш ва мулоқот маданиятига риоя этиш муҳим.
Аллоҳ таоло марҳамат қилади: «Барчангиз Аллоҳнинг арқонини маҳкам тутингиз ва бўлинмангиз» (Оли Имрон, 103-оят).
Шу боис ҳар бир инсон ўзаро ҳурмат ва бағрикенгликни асраб, жамият тинчлиги ва бирдамлигига ҳисса қўшиши керак.
Алимардон Кароматов, Касби туманидаги "Фазли" жоме масжиди имом-хатиби