ЭҲСОР ҲАҚИДАГИ ФАСЛ

         Эҳромдаги киши душман ёки беморлик туфайли эҳсор бўлганида (Ҳаж қилишдан тўсилиб қолганида), муфрид Ҳарамга бир дона жонлиқ, қорин икки дона жонлиқ жўнатади. 

 Ҳарамда сўйилиш кунини - сўйилиш қурбонлик кунидан аввал бўлса ҳам - таъйин қилади. 

 Ҳиллда сўйилмайди. 

Сўйилиши ила эҳромдан чиқади. 

Ҳаж эҳромидан чиққан бўлса унга ҳаж ва умра вожиб бўлади. Умра эҳромидан чиққан бўлса, умра вожиб бўлади. Қирон эҳромидан чиққан бўлса, бир ҳаж, икки умра вожиб бўлади.  

Эҳсори зоил бўлиб ҳадйига ва ҳажга етиб олиш имкони бўлса, боради. Бўлмаса эҳромдан чиқавериши мумкин. Маккада ҳажнинг икки рукнидан манъ қилиниши эҳсордир. Бир рукндан манъ қилиниши эмас. 

БОШҚАНИНГ НОМИДАН ҲАЖ ҚИЛИШНИНГ ҲУКМЛАРИ ҲАҚИДАГИ ФАСЛ

Ожиз бўлган киши бошқани ўзининг номидан ҳаж қилдирса, жоиз. Ўша ожизлиги 

ўлимигача давом этса ва ҳаж қилдирилувчи ҳажни унинг номидан ният қилган бўлса, ҳаж қилдирувчининг номидан воқеъ бўлади. 

Эҳсор сабабли вожиб бўлган жонлиқ ҳажга буюрувчининг, қирон ва жиноятнинг жонлиғи эса ҳаж қилувчининг ҳисобидан бўлади. 

Ҳаж қилдирилувчи Арафотда туришдан олдин жинсий алоқа қилиб қўйса, нафақани тўлаб беради. 

Ҳаж қилдирилувчи йўлда вафот топса, ҳажга буюрувчининг манзилидан ундан қолган молнинг учдан биридан қайта ҳаж қилдирилади. Ҳаж қилдирилувчи вафот топган жойдан эмас.   

Ҳадйи учун қурбонликка яроқлидан бошқаси жоиз эмас. 

Ҳадйи эгаси фақатгина нафл, таматтуъ ва қирон ҳадйисидан еса бўлади. 

         Таматтуъ ва қирон қурбонлигидан ейиш қурбонлик кунига хосслангандир. Иккисидан бошқаси у кунларга хос эмас. Ва барча қурбонликлар Ҳарамда сўйилади. 

Қурбонлик ҳайвонининг ёпқичи ва арқони садақа қилинади, қассобнинг ҳаққи қурбонлик ва унга тегишли нарсалардан берилмайди. 

Уни фақат заруратан минилади ва соғилмайди. 

Ҳалок бўлган ёки қаттиқ майиб бўлган вожиб қурбонликни бошқасига алмаштиради. Майиб бўлгани ўзига бўлади. 

Вуқуф ҳақида вақтидан аввал гувоҳлиқ берсалар, қабул қилинади. Вақтидан кейин гувоҳлик берсалар, қабул қилинмайди. 

Пиёда ҳаж қилишни назр қилса, токи фарз бўлган тавофни бажаргунича пиёда юради.