САУДИЯ АРАБИСТОНИ МАСЖИДЛАРИДА ЯНГИ ҚОИДАЛАР ЖОРИЙ ЭТИЛДИ
1831
28-05-2020, 09:50 437Ўқиш режими
+
-
Саудия Арабистони ҳукумати масжидлар очилгандан қандай қоидаларга амал этиш зарурлигини маълум қилди, дея хабар бермоқда Gulf News нашри. Маккадан бошқа жойлардаги масжидларда беш вақт намозлар ва жума намозини ўқиш бошланиши кутилмоқда. Масжидга киришга намоздан 15 дақиқа олдин рухсат этилади, намоз тугагандан 10 дақиқа кейин ҳамма чиқиб кетган бўлиши керак. Жума намозида эса масжидга кириш 20 дақиқа олдин бошланади ва намоздан 20 дақиқа кейин масжид бўшаган бўлиши зарур. Намоз пайтида одамларнинг орасида 2 метр масофа бўлади. Таҳоратни эса уйда олиб келишга тўғри келади. Коронавирус эпидемияси пайтида 15 ёшдан кичикларнинг масжидга киришига изн берилмайди, бундан ташқари, Қуръон дарслари ҳам бўлмайди.