1441 йил 21 Зулқаъда | 2020 йил 11 июль, Шанба.
ЎЗ UZ RU EN AR

Намоз вақти: Қарши

Fajr
03:41
Sunrise
05:21
Dhuhr
12:42
Asr
17:50
Maghrib
20:03
Isha
21:43


Намозни тўлиқ адо этинг. Албатта, намоз мўминларга вақтида фарз қилингандир (Нисо сураси 103-оят)

ҲАЖ САФАРИГА БОРМАЙДИГАН ДАВЛАТЛАР СОНИ 10 ТАГА ЯҚИНЛАШДИ

17-06-2020, 18:09 32 Ўқиш режими + -

Ҳаж сафарига бормайдиган давлатлар сони 10 тага яқинлашди


Коронавирус пандемияси туфайли бу йилги ҳаж мавсуми юзасидан Саудия Арабистони шу кунга қадар якуний қарорни эълон қилмади. Хабарларга кўра, айни пайтларда вазият баҳоланаётгани ва якуний қарор яқинда қабул қилиниши кутилмоқда.
Бироқ, 10 нафарга яқин давлатлар Саудия Арабистонидан келадиган хабарни кутиб ўтирмай, ўз фуқаролари учун бу йилги ҳаж сафарини бекор қилди. Шулардан бири – энг йирик мусулмон аҳолига эга бўлган Индонезия бўлса, қолганлари Малайзия, Сенегал, Нигерия ва Сингапур, Ҳиндистон ҳамда Европа ва Жанубий-Шарқий Осиёнинг баъзи мамлакатлари ўз зиёратчиларининг ҳаёти ва соғлиғини ҳимоя қилиш мақсадида «Ҳаж–2020» мавсумини ташкил қилмаслик ҳақида қарор қабул қилдилар.
Ҳукуматлар бундай қарорга келишларининг асосий омиллари сифатида давлатлар ўз фуқаролари соғлиғи учун масъул экани, бугунги мураккаб шароитда уларнинг соғлиғини сақлаш жуда мушкуллиги ҳамда ҳажга борадиганларнинг аксари кексалар бўлгани боис улар касалликка чалиниш эҳтимоли жуда юқорилиги билан изоҳлаганлар.
Таъкидлаш лозимки, Саудия Арабистонида айни вақтдаги эпидемиологик вазият мураккаблигича қолмоқда, шу жумладан коронавирусга чалинган беморлар сонининг ортиб бораётгани, ҳар куни ўртача 3800-4500 нафар кишида коронавирус аниқланаётгани ва 40-45 та ўлим ҳолати қайд этилаётгани ҳаж сафарини ташкил этиш масаласида ҳар бир давлатни чуқур ўйлантириб қўймоқда.


Ўзбекистон мусулмонлари идораси Матбуот хизмати