
МУСУЛМОННИНГ ХУЛҚИ
ТЕЖАМКОРЛИК ВА ТЎҒРИЛИК ( 5-қисм)
Мусулмонларнинг ўртача кийинишлари Ислом васиятларига мувофиқдир.
Либос билан кўркам бўлиш ёки фахрланиш Ислом дини учун ўгай- ёт бўлган нарсадир. Баъзилар кийган либосларининг нархи бир дирҳамга ҳам тўғри келмайди-ку, лекин кибрлари эса оламни тутади.
Расулуллоҳ шундай деганлар: «Қанчадан-қанча увада кийимда юрадиган содда одамлар бор. Улар Аллоҳ номи билан қасам ичсалар гапларининг устидан чиқадилар(Табароний ривояти).
Ҳозирги вақтда қанчадан- қанча ёш йигитлар соатлаб вақтларини пардоз-андоз қилиш ва одамларни жалб қиладиган либосларни танлаш билан ўтказиб юбормоқдалар.
Агар уларга: «Шунинг ўрнига илм олинглар. Динни яхши ўрганинглар*, дейилса, улар бунга кўнмайдилар.
Ислом буни қаттиқ танқид қилади;
«Кимки бу дунёда шуҳрат либосини кийса, қиёмат куни Аллоҳ унга хорлик либосини кийдириб, унга ўт ёқдириб қўяди (Ибни Можа ривояти).
Ҳақ гап шуки, одоб-ахлоқда ночор бўлиб, эл юрт ичида обрўсиз бўлган кимсалар, қимматбаҳо либосларни кийиб ўз обрўларини оширмоқ учун ҳаракат қилиб қоладилар.
Улар: «Ҳар қандай қиммат баҳо либослар инсоннинг камчилик ва нуқсонларини беркитади», деб уйлайдилар. Аслида ундай эмас.
"Мусулмон хулқи" китобидан.