1448 йил 07 Жумодус соний | 2026 йил 17 ноябрь, Сешанба.
ЎЗ UZ RU EN AR

Намоз вақти: Қарши

Fajr
06:04
Sunrise
07:21
Dhuhr
12:22
Asr
15:42
Maghrib
17:22
Isha
18:39


Намозни тўлиқ адо этинг. Албатта, намоз мўминларга вақтида фарз қилингандир (Нисо сураси 103-оят)

“Хожа Бухорий ” масжиди

14-01-2020, 15:25 889 Ўқиш режими + -
 
“Хожа Бухорий ” масжиди  тарихи

                         « Хожа Бухорий» жомеъ масжиди Китоб шаҳаридаги  «Бую кипак йўли» кўчаси,                4-уйда жойлашган. У Китоб туманидаги тарихий обидалардан биридир. Маълумотларгакўра, “ Хожа Бухорий ” масжиди 1864 йили Китоб беги Жўрабек Қаландарқори ўғли томонидан қурилган. 
             “Хожа Бухорий” масжиди  « Хожа Бухорий» қабристонининг шарқий томонига туташ жойлашганлиги учун учун унга « ХожаБухорий» номи берилган. “Хожа Бухорий”деб аталган кишининг асли исмлари Хожа Саид Аҳмад Вали Кулоҳдўзийдир. У зот ҳазрати Баҳоуддин Нақшбандий ( 1318-1389) нинг замондоши ва қариндоши бўлганлар.
           “ Хожа Бухорий” масжидининг тарҳи мураббо шаклида бўлиб, унинг бўйи ва эни  8.50 х 8.50 метрни ташкил қилади. Масжид томи гумбаз шаклида ёпилган. Масжид атрофи айвонлар билан ўралган. 1990- йилда масжиди мом-хатиби ва намозхонлар ташаббуси ила Денов қишлоғининг уста ҳунармандлари томонидан қадимий Бухоро меъморчилиги асосида икки қаватлик нақшинкор айвон қўшилди. “ Хожа Бухорий” масжидига 2013, 2014, 2019 йилларда қўшимча айвонлар қўшилиб, масжиднинг саҳни 18 х 27 метр қилиб қўшқават қилиб қайта қурилди.                                       
              2013 йилда “ Хожа Бухорий” масжидида янги, барча қулайликларга эга бўлган таҳоратхона қурилиб, фойдаланишга топширилди.
              2014 йилда “ Хожа Бухорий” масжиди ходимлари учун эски бино бузилиб, ўрнига хоналари кенг, кўркам ва муҳташам бино қуриб битказилди. Ушбу бино замонавий мебеллар, компьютер ва бошқа техника воситалари билан жиҳозланди.
  “ Хўжа Бухорий” масжиди 1998-йил 13-август куни Ўзбекистон Республикаси Адлия Вазирлиги томонидан рўйхатга олинган. 
   “ Хожа Бухорий” масжиди ҳозирги кунда халқимизнинг диний эҳтиёжларини қондириш йўлида фаол фаолият олиб бормоқда.