1448 йил 07 Жумодус соний | 2026 йил 17 ноябрь, Сешанба.
ЎЗ UZ RU EN AR

Намоз вақти: Қарши

Fajr
06:04
Sunrise
07:21
Dhuhr
12:22
Asr
15:42
Maghrib
17:22
Isha
18:39


Намозни тўлиқ адо этинг. Албатта, намоз мўминларга вақтида фарз қилингандир (Нисо сураси 103-оят)

САККИЗИНЧИ ОДОБ-МУҲАММАД СОЛЛАЛЛОҲУ АЛАЙҲИ ВАСАЛЛАМНИ МАДҲ ҚИЛИШДА ҒУЛУВГА КЕТМАСЛИК

9-11-2020, 09:10 421 Ўқиш режими + -

САККИЗИНЧИ ОДОБ-МУҲАММАД СОЛЛАЛЛОҲУ АЛАЙҲИ ВАСАЛЛАМНИ МАДҲ ҚИЛИШДА ҒУЛУВГА КЕТМАСЛИК

 Дунёда ҳеч бир инсон Расулуллоҳ алайҳис саломчалик яхши кўрилиб, мақтов билан ёд этилмаган. Чунки, у зот “Муҳамад”, яъни “тўхтовсиз мақталган” зотдирлар. Шу билан бирга, у зот бошқалар сингари уйланадиган, уй юмушларини бажарадиган, яхши ишлардан ҳурсанд бўладиган, ёмон ишлардан хафа бўладиган инсон бўлганлар. Бу ҳақида Қуръони Каримда шундай хабар берилган:

“(Эй Муҳаммад! Уларга) айтинг: “Дарҳақиқат, мен сизлар каби бир башардирман. (Фақат) менга илоҳингиз ёлғиз Илоҳ экани ҳақида ваҳий этилмоқда” (Қаҳф сураси, 110-оят)

Яъни эй Муҳаммад алайҳис салом, уларга: “Мен ҳам сизларга ўхшаган бир башарман. Менда фаришталик ё илоҳлик сифатлари асло  йўқдир, мен фақат Аллоҳ таоло билдирган нарсанигина биламан, холос”, деб айтинг.

Шунга кўра у зотни Қуръон ва Суннатда келган сифатлари билан васф қилишнинг ўзи мадҳ ҳисобланади.

“Ислом одоблари энциклопедияси” китобидан олинди.