1442 йил 22 Ражаб | 2021 йил 05 март, Жума.
ЎЗ UZ RU EN AR

Намоз вақти: Қарши

Fajr
05:50
Sunrise
07:04
Dhuhr
12:48
Asr
16:50
Maghrib
18:34
Isha
19:47


Намозни тўлиқ адо этинг. Албатта, намоз мўминларга вақтида фарз қилингандир (Нисо сураси 103-оят)

СОҚОЛ ЎСТИРУВЧИ ВОСИТАЛАРДАН ФОЙДАЛАНИШ ИСЛОМДА МУМКИНМИ?

8-02-2021, 15:37 738 Ўқиш режими + -


САВОЛ:
     Ассаламу алайкум. Ҳозирги кунда турли соқол чиқарувчи воситалар кенг тарқалди. Шулардан фойдаланиб суннатга мувофиқ соқол қўйса бўладими? Айрим инсонларда кеч, айримларда эса жуда сийрак чиқади. Бу борада шариатимиз нима дейди?
ЖАВОБ:
     Ва алайкум ассалом. Аввало, соқол Пайғамбаримиз соллаллоҳу алайҳи васалламга эргашиш ниятида қўйилади. Соқолни парваришлаш ҳам у зотнинг суннатларидан ҳисобланади. У зот соллаллоҳу алайҳи васаллам ўз даврларида мавжуд бўлган мой, хина каби воситалардан фойдаланганлари маълум. Шунинг учун соқол ўстирувчи, қалинлаштирувчи воситалардан фойдаланиш мумкин. Аммо шуни яхши билиш лозимки, соқол қандай чиқса шундай қўйилади. Кам ёки сийрак чиқадиган бўлса, шу ҳолатда парваришлаб, қўйиб юрса, шу ҳам суннатга мувофиқ соқол қўйган ҳисобланади. 
Бироқ бугунги кўп воситалар сунъий моддалардан ишлаб чиқарилаётганлиги боис, улар терига ва бошқа аъзоларга зарар келтириши, айниқса, аллергия қўзғаши мумкин. Агар шундай зарарлари йўқлиги исботланган бўлса, у ҳолда ишлатишнинг зарари йўқ. Валлоҳу аълам. 
Ўзбекистон мусулмонлари идораси
фатво ҳайъати.