Қарши шаҳридаги “Хонақоҳ” жоме масжиди шаҳарнинг “Қўрғонча” маҳалласида жойлашган. Масжид ХII–асрнинг охирги чорагида Абдураҳмон Ҳалифа раҳматуллоҳи алайҳи томонидан ҳашар йўли билан қурилган тарихий обидадир. Масжид ҳижрий 1248 йил, мелодий 1826 йилда Самариддинхон ташаббуси билан иккинчи маротаба қайта қурилиб, бугунги кўринишга келтирилган. Масжид чиллахонаси, мезанаси, сув ҳавзаси ва тошқудуғи мавжудлиги жиҳатидан шаҳарда ягона масжид ҳисобланади. Масжидда шаркона нақш санъат безаклари ўз аксини топган. Хонақо олдидаги узунлиги 12 метрли минора масжиднинг кўркига кўр қўшиб турибди. “Хонақоҳ” жоме масжиди расмий фаолиятини 1993 йилда қайтадан бошлади. 2015-2016 йиллар давомида масжид хонақоси ва ташқи қисмлари ҳамда таҳоратхонаси капитал таъмирдан чиқарилди.