Рамазон рўзасини очмайдиган, аммо унда макруҳ бўлган амаллар
8821
6-04-2023, 15:46
244
Ўқиш режими
+
-
Мана Рамазон ойида яшаб, Аллоҳ таолонинг биз бандалар учун фарз қилган рўза амалини бажараяпмиз. Рамазон рўзасини очмайди аммо унда макруҳ бўлган амаллар қуйидагилар:
1. Рўзадор тупугини оғзида тўплаб сўнг ютиб юбориши;
2. Гапираётган, зикр қилаётган, ўқиётган чоғда лаблари ҳўл бўлса сўнг ўша ҳўлликни ютса;
3. Оғзидан оқаётган сўлакни қайтадан ютиб юборса;
4. Оғизни чайгандан сўнг қолган намликни тупуги билан бирга ютиб юборса;
5. Шамоллаш туфайли оққан балғам оғиз ё бурундан ташқарига чиқса, сўнг уни нафас олиб ичкарига тортса. (Лекин ичкарига ютгандан ташқарига чиқариб юборган афзал);
6. Узрсиз бирор нарсани татиб кўриш (ютиб юборса рўзаси очилади);
7. Узрсиз чайнаш (ютиб юборса рўзаси очилади);
8. Оғиз буруни чайишда ва истинжо қилишда муболаға қилиш;
9. Рўзадор сувни ичида турган ҳолда ел чиқариши;
10. Маний тўкилиб кетиш хавфи бўлса қучоқлашиш, ўпиш ва ушлаш каби шахватни қўзғатадиган ишлар;
11. Кийимсиз ҳолда баданларни бир-бирига текказиш;
12. Лабдан тишлаш, сўриш, ўпиш;
13. Заифлашишга олиб борадиган қон олдириш;
14. Ғийбат ва шу каби ишларни қилиш;
15. Аёлга қараб, ҳаёл суриб маний тўкилса рўза очилмайди, лекин макруҳ.
Аллоҳ таоло барчаларимизнинг Рамазон рўзаларимизни Ўз даргоҳида мақбул айласин!
Манбалар асосида Р. Акбаров тайёрлади